Abisu horiak Euskal Herri osoan zaparrada trumoitsuengatik
Zaparradak espero dira, batez ere arratsaldetik aurrera, toki batzuetan haize bolada gogorrekin eta kazkabarrarekin.
Gasteiz. Argazkia: Sagrario Larrinaga
Euri jasa trumoitsuak izango dira igande honetan ere Euskal Herri osoan, baina atzo ez bezala, abisuak ez dira hortik harago joango.
Hala, Eusko Jaurlaritzako Segurtasun Sailak abisu horia ezarri du 14:00etatik 21:00etara, metro koadroko 15 litro pilatuko baitira leku batzuetan. Nafarroan, Aemetek 14:00etatik asteleheneko 06:00etara ezarri du abisua erkidego osoan, eta Iparraldean, berriz, 09:00etatik asteleheneko 03:00etara ezarri dute.
Bestalde, AEMETek abisu naranja ezarri du Nafarroako erdialdean eta Ebroren ibarrean eguerdirako. 30 libro metro kuadroko pila litezke ordu betean. Erkidegoaren gainerako zonaldeetan abisu horia ezarri dute.
Atzoko bide beretik jarraituko du gaur eguraldiak. Zaparradak egin ditzake goizean, baina, oro har, txikiak izango dira eta han-hemenka egingo ditu; arratsaldean, aldiz, zaparrada handiagoak izango dira eta zenbait tokitan mardul bota dezake, txingorra egin dezake eta haize bolada oso gogorrak izan daitezke. Hego-ekialdeko haizea ibiliko da Ebroko ibarrean egun osoan, eta ipar-osagaikoa izango da isurialde atlantikoan arratsaldean. Giroa zertxobait freskoagoa izango da ipar partean, eta atzoko balio berdintsuetan mugituko dira maximoak gainerakoan.
Astelehenean, zaparrada eta ekaitzekin jarraituko dugu. Zerua nahiko estalita egongo da, eta euria ia denean egingo du; zenbait tokitan mardul bota dezake. Horrez gain, ipar-osagaiko haizea ibiliko da, eta nabarmen freskatuko du; maximoek nekez gaindituko dituzte 15 ºC-ak.
Asteartean ere, giro freskoa eta ezegonkorra nagusituko da. Zaparradak eta ekaitzak izango dira. Arratsaldean, zaparradak mardulagoak izango dira eta ekaitza lehertzeko probabilitatea handiagoa izango da. Egunaren bukaeran, atertzera egingo du, eta giroa lasaiagoa izango da gauean, batez ere barnealdean. Tenperatura minimoak zertxobait freskoagoak izango dira, eta maximoek antzera jarraituko dute. Mendebaldeko eta ipar-mendebaldeko haizea ibiliko da, zertxobait biziago kostaldean; ziertzoa indartu egingo da Ebroko ibarrean.
Asteazkenetik aurrera atertzea eta tenperaturak igotzea espero da.
Zure interesekoa izan daiteke
Tenperaturen gorakadak ez du etenik, eta abisu horia ezarri dute Araban eta Nafarroan
Tenperaturak 2 eta 3 gradu artean igoko dira, eta maximoak 35 graduren bueltan kokatuko dira.
Asteazkenean bero-sapa itzuliko da
Astelehen eta asteartea tenperatura freskoagoekin helduko dira asteon, eta asteazkenetik aurrera termometroak gora egingo du: 30ºC-tik gorakoak izango dira barnealdean.
40 lagun artatu dituzte beroagatik EAEn, larriena Galipa Mendi Birako parte-hartzaile bat
Bigarren egunez jarraian, 30 graduak gainditu dira EAE osoan. Astelehenetik aurrera beroa pixka bat arinduko da, eta tenperatura maximoek behera egingo dute, oro har, nahiz eta udako giroak jarraituko duen.
Nola eragiten die eguzki-eklipse batek animaliei?
Planetako animalia gehienak eguzki-argiaren arabera jokatzen dute. Beraz, eklipse batek asko eragiten die, baina ez denei modu berean. Batzuek eklipseari begira gelditzen dira, besterik gabe. Beste batzuek, ordea, argi faltara egokitzen dituzte beren jarduerak.
Uda ate joka dela ondo igarriko da asteburuan, eguzkia, beroa eta abisu horia baitakartza berekin
Zeru urdinak eta tenperatura beroak nagusi izango dira Euskal Herri osoan gaurtik gutxienez igandera arte. Gaur, hegoaldean batez ere, berotzen hasiko da, eta larunbatean eta igandean, aise gaindituko dira 30 ºC-ko tenperaturak lurralde guztietan. Kostaldean, abisu horia egongo da indarrean tenperatura altuak espero direlako.
Giro oso estalia eta freskoa asteko lehen egunetan
Gutxienez ostegun arratsaldera arte ez da eguzki konturik izango gurean. 20 graduz azpiko tenperaturak izango ditugu ordura arte, eta gutxi bada ere, busti egingo du, batez ere goizetan euri zirina egingo baitu.
Nola bizi zituzten eklipseak gure arbasoek?
Munduko kultura askotan eguzkia gurtu izan da ia jainko bat bezala. Naturalena gauez ezkutatu eta goizean itzultzea zen. Horregatik, egunez eklipse bat ikustea beldurgarria izan da urte askotan munduko ia kultura guztientzat.
Hodeiak nagusi asteburuan
Ekaineko lehen asteburu honetan, fronte berri bat izango dugu, eta hodeitza nagusi izango da larunbatean; igandean, berriz, tenperaturak nabarmen egingo du gora.
Lainoak, eguzkia joan-etorrika eta euri zirina
Eguraldia aldakor ibiliko da datozen egunetan. Orokorrean, ez du asko bustiko, baina euritarako joera egongo da hainbat egunetan. Eguzkia ere azalduko da tarteka, eta tenperaturak gorabeheratsu ibiliko dira, egunaren arabera.
Eguzki eklipse osoaren hiru fenomenoak ikusgai, errealitate areagotuari esker
Bailyko perlak, diamante eraztuna eta eguzki koroa ikusgarria abuztuaren 12ko 20:27tik aurrera ikusi ahal izango dira. Eguraldiko lantaldeak fenomeno horiek erakutsi dizkigu gertakari astronomiko garrantzitsu horri buruzko erreportajeen hirugarren atalean.