Hodeitsu bukatuko da apirila, zaparradekin tarteka eta 20 gradu inguruko tenperaturekin
Goibel itxura dakar astelehenak, baita astearteak ere. Halere, oso aldakor dator eguraldia.
Aldakor dator eguraldiaren iragarpena. Astelehenean zerua hodeitsuago egongo da eta zaparrada batzuk egingo ditu. Iparraldean behe-hodeiak ugariak izango dira eta zerua hodeitsu egongo da han. Hegoaldean ostarteak agertuko dira hasieran, baina arratsaldean bero-hodeiak ugaritu egingo dira eta han ere geratuko da zerua hodeitsu. Egunaren bigarren partean zaparrada trumoitsuak egingo ditu noizbehinka. Tenperatura maximoak 20 ºC ingurukoak izango dira. Goizetik aurrera iparraldeko haizea ibiliko da.
Astearterako ere egun lainotua iragarri dute. Zaparradak, baina, goizetik agertuko dira, oso bakanak izango badira ere. Eguerdian ostarteak zabalduko dira kostaldean, baina arratsaldean berriro ere makurtzera egingo du aroak, eta euri arriskua nabarmen handituko da. Tenperaturak, bestalde, 20 graduren bueltan geratuko dira.
Asteazkena izango da beharbada egunik ezengokorrena. Zaparradak ez dira horren tartekatuak izango eta tenperatura altuenak nekez iritsiko dira 20 gradura, kostaldean. Barnealdean, ostera, 22 gradu inguru neurtuko dituzte termometroek. Minimoak, berriz, 13-14 graduan geratuko dira.
Ostegunerako aldaketa gutxi espero da. Barnealdean egingo du euri gehien; Araban eta Nafarroan, bereziki. Arratsaldean, kostaldera ere iritsiko da giro bustia.
Ostiralak ere hodeiak dakartza. Aterruneek gehiago iraungo dutela dirudi, eta iluntzera arte ez du euririk egingo. Gau partean iritsiko dira lehen tantak, eta antza denez, barnealdean soilik.
Zure interesekoa izan daiteke
Abuztuko eguzki-eklipse osoan murgilduta, errealitate birtualari esker
2026ko abuztuaren 12an eguzki-eklipse oso bat ikusiko da Euskal Herrian, eta Eguraldia barruan murgildu da errealitate birtualari esker. Hau da horrelako sei bideoetatik lehenengoa.. 114 urteren ondoren, minutu batetik gorako erabateko iluntasuna izango da, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria izango da ikusteko lekurik onenetarikoa.
Elurra egin du Aralarren, maiatzean
Txomin Rezolak eta David Aznarezek Aralarren maiatzaren 15ean grabatutako irudiak.
Udazken giroa eta euria barra-barra izango dira nagusi ostiral honetan
Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrengatik, 24 ordutan metro koadroko 60 litro baino gehiago pila daitezkeelako.
Eguraldi ezegonkorrak jarraituko du eta arratsaldean ekaitz-giroa izango da, Nafarroan eta Iparraldean batez ere
Egunak aurrera egin ahala hodeiak ugaritzen joango dira eta trumoi-zaparradak izango dira nonahi. Nafarroa erdialde eta hegoaldean eta Ipar Euskal Herrian abisu horia egongo da indarrean arratsaldean.
Euri erauntsi izugarria, Atarrabian
Euri erauntsi izugarria bota du, gaur arratsaldean, Atarrabian. Ordu erdiz, euria eta txingorra gogotik bota ditu, kaleren bat erreka bihurtzeraino. Halere, ekaitzak ez du aparteko kalterik eragin. Atertu eta eguzkia agertzearekin batera, ura Ultzama ibaira bideratu da, eta zorua berehala lehortu da.
Ilargiaren itzala Lurraren gainazalean grabatuko dute eguzki-eklipsearen egunean
Abuztuaren 12an, eguzki eklipse osoaz gozatzeko aukera izango dugun egunean, hainbat zunda-globo botako dira estratosferatik eklipsearen irudiak lortzeko asmoz.
Petral dator eguraldia, zerua beltz eta tenperatura fresko
Astelehen arratsaldetik aurrera, ezegonkortasuna nagusituko da. Euria egingo du aste osoan, eta tenperaturak nabarmen jaitsiko dira. Ostegun eta ostiralean, maximoak 13-14 gradu ingurukoak izango dira.
Abisu horia arratsalderako euriagatik, bereziki Araban, Gipuzkoan eta Nafarroan
Euskalmetek eta Aemetek abisu horiak aktibatuko dituzte arratsaldean euri eta ekaitzengatik. Kazkabarra ere egin dezake, eta haize bolada oso gogorrak izango dira.
Ekaitz fronte batek mendebaldetik ekialdera zeharkatu du Euskal Herria indar handiz
Ekaitz fronte batek zeharkatu du Euskal Herria arratsaldean, eta euri zaparradak bota ditu. Euskalmeten erregistroen arabera, metro koadroko 23,8 litro egin ditu 10 minutuan tokiren batean. Mendebaldean sortu da, eta, ondoren, lurralde osoa zeharkatu du, oso indartsu.
Zer da eguzkia?
Egunero ikusten dugu zeruko zirkulu perfektu bat bezala, baina eguzkia dirudiena baino askoz konplexuagoa da. Galileok ikusitako orbanetatik hasi eta horren barrua astintzen duten asalduretaraino, gure izarraren fisikan murgilduko gara Teresa del Rio adituaren eskutik.