Goiz eguzkitsuak eta arratsalde euritsuak
Dir-dir egingo du eguzkiak asteon, udaberri beteko eguraldia espero baitugu datozen egunetarako. Baliteke astelehen eta astearte goizean, lehen orduetan batik bat, behe lainoa agertzea, baina argitzera egingo du berehala giroak, eta ostarteak eta eguzkia izango dira nagusi denean. Asteartekoa izango da, gainera, asteko egunik beroena, termometroek aise gaindituko baitute 25 graduko langa.
Beroak, baina, euria ere ekarriko du gurera. Hala, goiz eguzkitsuen ondotik, ekaitza eta zaparradak iritsiko dira arratsalde-gau partean. Udaberrian ohikoak dira ekaitz kontuak. Hain zuzen ere, goialdean tenperatura oraindik hotza delako gertatzen da hori, beheko tenperatura altuekin talka egin eta orduan sortzen baita erauntsia. Nafarroak eta Arabak izango dute horretarako arrisku handiena, mendi inguruetan botako baititu zaparrada gehienak.
Asteazkenerako ez da aldaketa handirik espero. Litekeena da hodeiren bat edo beste azaltzea, euririk egingo ez badu ere. Tenperaturak ere koska bat egingo du behera, nahiz eta oraindik ere 25 graduren bueltan geratuko diren termometroak.
Ostegunean ezegonkortu egingo da eguraldia. Hodeitza saretu eta ostarte zabalak izango dira goizean zehar. Eguerditik aurrera, ostera, euria egiteko arriskua egongo da atzera.
Ostiralean eta larunbatean ere antzeko kontuak, alegia, eguzkia eta hodeiak tartekatuko dira goizean, eta prezipitaziorako joera handituko da arratsean. Tenperaturak ere freskoagoak izango dira, 20 gradukoak asko jota. Igandean, are gehiago jaitsiko dira termometroak, lainotuta esnatuko da eguna, eta oro har ateri eutsiko dio.
Zure interesekoa izan daiteke
Zer da eguzki-koroa?
Datorren abuztuaren 12an eguzkia erabat ezkutatuko da ilargiaren atzean, eta eklipse horren ondorioz, bigarren fenomeno bat ikusi ahal izango dugu Euskal Herriko hainbat txokotan: eguzki-koroa. Virginia Garcia Aranzadiko astronomoak azaldu digu zertan datzan.
Udaberriko eguraldi nahasia, astebururako
Zeru gainak hodeitsu egongo dira, batez ere Kantauri isurialdean eta ez da baztertzen iluntzean ekaitza lehertzea, batez ere barnealdean eta mendi inguruetan. Gainerakoan, ateri eutsiko dio. Tenperaturari dagokionez, maximoak 17-21 ªC-koak izango dira kostaldean, eta 20 graduko langa gaindituta, barnealdean.
Udaberriko eguraldia ate joka dago: euriak eten, eta tenperaturek gora egingo dute
Eguraldi eguzkitsu eta udaberrikoa nagusituko da, eta tenperatura maximoek 20-22 graduen langa gaindituko dute.
Giro argia eta egonkorra izango dugu asteon, astelehenean salbu
Tenperatura minimoak freskoak izango dira kostaldean, 7-9 ºC ingurukoak, eta hotz egingo du barrualdean. Maximoei dagokienez, egunek aurrera egin ahala, epelera egingo dute, 20 ºC-tik gorakoak nagusitzeko.
Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Udaberri giroko egunak aurretik, asteburura begirako aldaketaren atariko
Giro eguzkitsua eta tenperatura epel-beroak nagusituko dira Euskal Herri osoan ostiralera bitartean.
Hego haizeak 20ºC-tik gorako tenperaturak utziko ditu gaur, eta kalima ere ekar dezake
Asteleheneko sargoriaren ostean, gaur egun hodeitsuagoa izango da, baina udaberriko tenperaturarekin jarraituko dugu, atzo baino 2-3º freskoago. Gainera, baliteke Saharako hautsa (gandua) ere etortzea, eta horren ondorioz zeruak horixka ikustea.
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.
Udaberriko giroa eta eguzkia nagusi izango dira Aste Santuko asteburuan
Euskalmeten eta AEMETen aurreikuspenek joera aldaketa aurreikusten dute EAEn eta Nafarroan. Aste Santuko asteburua eguzkitsua izango da, eta tenperatura altuagoak izango dira.