Hego haizeak 20ºC-tik gorako tenperaturak utziko ditu gaur, eta kalima ere ekar dezake
Asteleheneko sargoriaren ostean, gaur egun hodeitsuagoa izango da, baina udaberriko tenperaturarekin jarraituko dugu, atzo baino 2-3º freskoago. Gainera, baliteke Saharako hautsa (gandua) ere etortzea, eta horren ondorioz zeruak horixka ikustea.
Limuria, Bilbon. Argazkia: Orain
Astelehen itogarriaren ostean, termometroak 2-3 inguru jaitsiko dira gaur, asteartea. Tenperaturak 20 ºC-tik gora izango dira, batez ere kostaldean, Euskalmet Euskal Meteorologia Agentziaren arabera. Gainera, hego haizeak gandu apur bat ekar lezake, eta baliteke zeruak horixkak izatea egunean zehar, Saharako limuriaren ondorioz.
Asteazkenean ostarteak zabalagoak izango dira, baina zeruan erdi mailako hodeiak eta goi-hodeiak agertuko dira. Hego haizeak indarra galduko du eta arratsaldean iparraldetik joko du. Hori dela eta, tenperaturak behera egingo du Kantauri aldean.
Ostegunerako eguraldi eguzkitsua eta udaberrikoa espero da. Zerua, oro har, hodei gutxirekin egongo da, erdi mailako hodei eta goi-hodei batzuk egon arren; kostaldean behe-hodei batzuk ere ager daitezke. Behe-lainoa, goizean goiz. Tenperatura minimoak jaitsiko dira kostaldean, eta maximoak ez dira asko aldatuko barnealdean.
Astebururako aldaketa dator, eta euri kontuekin ibiliko gara.
Zure interesekoa izan daiteke
Zer da eguzki-koroa?
Datorren abuztuaren 12an eguzkia erabat ezkutatuko da ilargiaren atzean, eta eklipse horren ondorioz, bigarren fenomeno bat ikusi ahal izango dugu Euskal Herriko hainbat txokotan: eguzki-koroa. Virginia Garcia Aranzadiko astronomoak azaldu digu zertan datzan.
Udaberriko eguraldi nahasia, astebururako
Zeru gainak hodeitsu egongo dira, batez ere Kantauri isurialdean eta ez da baztertzen iluntzean ekaitza lehertzea, batez ere barnealdean eta mendi inguruetan. Gainerakoan, ateri eutsiko dio. Tenperaturari dagokionez, maximoak 17-21 ªC-koak izango dira kostaldean, eta 20 graduko langa gaindituta, barnealdean.
Udaberriko eguraldia ate joka dago: euriak eten, eta tenperaturek gora egingo dute
Eguraldi eguzkitsu eta udaberrikoa nagusituko da, eta tenperatura maximoek 20-22 graduen langa gaindituko dute.
Giro argia eta egonkorra izango dugu asteon, astelehenean salbu
Tenperatura minimoak freskoak izango dira kostaldean, 7-9 ºC ingurukoak, eta hotz egingo du barrualdean. Maximoei dagokienez, egunek aurrera egin ahala, epelera egingo dute, 20 ºC-tik gorakoak nagusitzeko.
Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Udaberri giroko egunak aurretik, asteburura begirako aldaketaren atariko
Giro eguzkitsua eta tenperatura epel-beroak nagusituko dira Euskal Herri osoan ostiralera bitartean.
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.
Udaberriko giroa eta eguzkia nagusi izango dira Aste Santuko asteburuan
Euskalmeten eta AEMETen aurreikuspenek joera aldaketa aurreikusten dute EAEn eta Nafarroan. Aste Santuko asteburua eguzkitsua izango da, eta tenperatura altuagoak izango dira.
Albiste izango da: badator eguzkia
Orain-eko albisteen laburpena, minutu batean.