Udazken giroa eta euria barra-barra izango dira nagusi ostiral honetan

Udazken giroa nagusituko da ostiral honetan. Euskalmeten arabera, euria barra-barra egingo du eta tenperatura maximoak ez du 15 graduko langa gaindituko.

Euri asko egingo du, batez ere egunaren lehenengo partean eta iparraldean. Arratsaldetik aurrera, atertzera egingo du, bereziki barnealdean, eta ostarte batzuk zabal daitezke. Elurra egingo du Pirinioetako mendi gailurretan.

Ipar-mendebaldeko haize bizia ibiliko da. Tenperaturak berdintsu jarraituko du, eta maximoek udazken itxura hartuko dute berriro: ez dira 15 gradutik gorakoak izango kostaldean eta 12 gradutik gorakoak barnealdean; minimoak, berriz, 6 eta 10 gradu bitartekoak izango dira kostaldean.

Eta maiatzean egon arren, elurra egin du Nafarroako Pirinioetan.

Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrak izango direlako eta 24 orduan metro koadroko 60 litro baino gehiago pila daitezkeelako.

Nafarroan, Aemetek abisu horia ezarri du isurialde atlantikoan ere prezipitazio iraunkorrak izango direlako. 

Iragarpenaren arabera, larunbatean atertzera egingo du, batez ere egunaren bigarren zatian.

Kontsulta ezazu eguraldiaren iragarpena, eta bidali zure argazkiak eta bideoak.