Errekorra maiatzeko tenperaturetan: 39,1 ºC neurtu dituzte Sopuertan
Maiatzean inoiz erregistratu diren tenperatura altuenak izan dira ostiral honetakoak. Euskal Herriaren mendebaldean izan da bero larriena, eta itzala bilatzea funtsezkoa izan da herritar askorentzat.
Bero sapa izan dugu ostiral honetan Euskal Herrian. Maiatzean gaude, baina, termometroei begiratuta, edonork pentsa lezake uztailean gaudela. Hain zuzen ere, maiatzean inoiz erregistratutako tenperaturarik altuenak izan dira gaurkoak.
Hil honetako maximoa 37,6 gradukoa zen orain arte. Gaur 39,1 gradu neurtu dituzte Sopuertan. Beste hainbat meteorologia estaziotan ere antzeko tenperaturak neurtu dituzte:
- 38,5 ºC Sodupen
- 37,1 ºC Laudion
- 36,7 ºC Muxikan
- 36,5 ºC Bergaran
- 35,5 ºC Miramonen (Donostia)
- 34,6 ºC Andoainen
- 30,7 ºC Orduñan
- 29,8 ºC Oiz mendian
Euskal Herriaren mendebaldean (Bizkaia eta Arabako iparraldean) neurtu dituzte tenperatura beroenak, baina Gipuzkoako barnealdea ere ez da atzean gelditu. Segurtasun Sailak abisu horia ezarri du, 20:00ak arte, tenperatura altuak direla eta.
Bero sapa hau, gainera, bat-batean etorri zaigu. Joan zen astean, euria eta tenperatura freskoak izan ziren ia lurralde osoan, eta elurra ere ikusi genuen mendi tontorretan, Aralarren esaterako. Egun gutxiren buruan, 20 gradu inguruko aldea nabaritu dugu eta, nola edo hala, egokitu behar izan dugu. Itzala bilatuz eta likido freskoak hartuta egin behar izan diote aurre beroari herritarrek.
Hurrengo egunetarako antzeko eguraldi iragarpena egin du Euskalmet agentziak. Asteburuko bi egunetan ere bero egingo du, baina termometroak gaur baino pixka bat beherago geldituko direla espero da.
Hurrengo asterako joerari begiratuta, berriz, oraingoz, ez da aldaketa handirik ikusten.
Zure interesekoa izan daiteke
Giro ezin hobea Bilboko Europako errugbiaren festa handian
Asteburu honetan Challenge Cup eta Champions Cup txapelketetako finalak jokatuko dituzten errugbi-taldeen zaleen arteko giroaz gozatzen ari dira ehunka lagun ostiral honetan Bilbon. Montpellier eta Ulster izango dira elkarren aurka jokatuko duten lehenak, gaur, San Mamesen.
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.