Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Eguraldia goitik behera aldatuko da Hego Euskal Herrian asteburuan, ostiralean udako giroa izan ostean. Euskalmet Euskal Meteorologia Agentziaren arabera, ostiral honetan eguzkia izango da nagusi ia Euskadi osoan, goizean kostaldean behe hodeiak desagertu eta gero. Tenperatura igo egingo da berriro, eta, oro har, 25 ºC-tik gora izango ditugu; barnealdeko puntu askotan, 30 ºC ere izan litezke.
Hego-ekialdeko haizea ibiliko da goizean, eta ipar-ekialdera egingo du arratsaldean kostan. Dena den, bero pixka bat eta bero hodei batzuk ere izango dira, eta udaberriko giroaz gozatu ahal izango dugu.
Hala ere, egoera goitik behera aldatuko da larunbatetik aurrera, lurraldea mendebaldetik ekialdera zeharkatuko duen fronte hotz baten etorrerarekin. Goizaldean eta goizeko lehen orduetan, erdi mailako hodeiak eta goi hodeiak nagusituko dira, baina zerua estaliz joango da goizak aurrera egin ahala, erabat estali arte.
Goizean, euri pixka bat egin lezake, baina arratsaldetik aurrera izango da prezipitaziorik handiena. Fronteak euria eta zaparradak utziko ditu Euskadi osoan, batez ere isurialde atlantikoan. Gainera, mendebaldeko haizea zakar ibiliko da, bolada gogorrekin, eta ipar-mendebaldera aldatuko da arratsaldean. Tenperatura maximoak pixkanaka jaitsiko dira egunean zehar, eta batez ere arratsaldean egingo du behera. Elur maila 1.000 eta 1.200 metro artean kokatuko da gauean.
Neguko giroa are gehiago nabarmenduko da igandean. Euskalmetek iragarri duenez, neguko tenperaturak izango dira nagusi, eta 13-15 ºC-tik behera geratuko dira maximoak.
Goizean, euririk egin gabe iraun lezake, eta ostarte batzuk zabaldu; arratsaldean, fronte berri batek eragina izango du lurraldean, eta zerua estalita geratuko da berriro: euria eta zaparradak botako ditu, batez ere isurialde atlantikoan, eta ez da baztertzen ekaitzen bat ere izatea. Elurrak 1.000 eta 1.200 metro artean jarraituko du.
Nafarroan, antzeko egoera izango da. Ostiralean, beroa izango da nagusi, Iruñean, Lizarran eta Tuteran 28-29 ºC-ko maximoekin, baina eguraldiak txarrera egingo du nabarmen. Estatuko Meteorologia Agentziak zeru estalia eta euria iragarri ditu larunbat eta iganderako, eta termometroek behera egingo dute nabarmen: Iruñean, adibidez, maximoak 16 ºC ingurura jaitsiko dira larunbatean, eta 11 ºC eskasera igandean.
Zure interesekoa izan daiteke
Abisu horia bero handiagatik igandean ere
35 ºC inguruko tenperaturak espero dira barnealdean. Kostan, berriz, ez dago abisurik, eta tenperaturak 30 ºCtik behera kokatuko dira.
Beroa nagusi igandera arte: 30 ºC-tik gora gaurtik aurrera Euskal Herrian
Araban, abisu horia egongo da indarrean ostiralean eta larunbatean, muturreko tenperatura oso altuengatik, eta Nafarroan alerta laranja ezarri dute ostiral honetan, beroagatik. Igandean, aldaketa etorriko da.
NBEren arabera, El Niño fenomeno meteorologikoa inoiz izan den handiena izan daiteke
Gertakaria urte honen amaieran iritsiko da puntu gorenera, baina 2027an zehar izango ditu ondorioak, eta datorren urtean munduko batez besteko tenperaturak igotzen lagunduko du.
Bero itogarria Euskal Herrira itzuliko da
Asteazken honetan tenperaturek ez dute aldaketa handirik izan, baina ostegunetik nabarmen igoko dira: termometroak 30 ºC-tik gora kokatuko dira Bilbon, Gasteizen eta Iruñean.
Abuztua bigarren hilabeterik beroena izan da 1970etik, eta mendeko lehorrenetakoa Euskadin
Batez besteko tenperatura ohikoa baino 2,4 °C altuagoa izan da, eta muturreko beroak, lehorteak eta prezipitazio handiek markatu dute hilabetea. Gainera, hainbat fenomeno meteorologikok 17 abisu hori aktibatzea eragin dute.
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.
Beroak estutzen jarraituko du, baina ezegonkortasun handiarekin
Hurrengo egunetan, tenperatura altuak izango dira nagusi, baina ezegonkortasun handia izango da. Hala, gaur arratsaldean, esaterako, ekaitza bota dezake; Nafarroan, Aemetek abisu horia ezarri du euriteengatik.
Ur-goraldiak iragarri dituzte Nafarroako ubide txikietan eta sakanetan
Euri zaparrada eta ekaitz gogorren ondorioz hainbat probintziatan, tartean Nafarroan, ezarritako abisuak direla eta, Ebroko Konfederazio Hidrografikoak albiste meteorologikoei adi egoteko gomendatu die herritarrei.