Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Eguraldia goitik behera aldatuko da Hego Euskal Herrian asteburuan, ostiralean udako giroa izan ostean. Euskalmet Euskal Meteorologia Agentziaren arabera, ostiral honetan eguzkia izango da nagusi ia Euskadi osoan, goizean kostaldean behe hodeiak desagertu eta gero. Tenperatura igo egingo da berriro, eta, oro har, 25 ºC-tik gora izango ditugu; barnealdeko puntu askotan, 30 ºC ere izan litezke.
Hego-ekialdeko haizea ibiliko da goizean, eta ipar-ekialdera egingo du arratsaldean kostan. Dena den, bero pixka bat eta bero hodei batzuk ere izango dira, eta udaberriko giroaz gozatu ahal izango dugu.
Hala ere, egoera goitik behera aldatuko da larunbatetik aurrera, lurraldea mendebaldetik ekialdera zeharkatuko duen fronte hotz baten etorrerarekin. Goizaldean eta goizeko lehen orduetan, erdi mailako hodeiak eta goi hodeiak nagusituko dira, baina zerua estaliz joango da goizak aurrera egin ahala, erabat estali arte.
Goizean, euri pixka bat egin lezake, baina arratsaldetik aurrera izango da prezipitaziorik handiena. Fronteak euria eta zaparradak utziko ditu Euskadi osoan, batez ere isurialde atlantikoan. Gainera, mendebaldeko haizea zakar ibiliko da, bolada gogorrekin, eta ipar-mendebaldera aldatuko da arratsaldean. Tenperatura maximoak pixkanaka jaitsiko dira egunean zehar, eta batez ere arratsaldean egingo du behera. Elur maila 1.000 eta 1.200 metro artean kokatuko da gauean.
Neguko giroa are gehiago nabarmenduko da igandean. Euskalmetek iragarri duenez, neguko tenperaturak izango dira nagusi, eta 13-15 ºC-tik behera geratuko dira maximoak.
Goizean, euririk egin gabe iraun lezake, eta ostarte batzuk zabaldu; arratsaldean, fronte berri batek eragina izango du lurraldean, eta zerua estalita geratuko da berriro: euria eta zaparradak botako ditu, batez ere isurialde atlantikoan, eta ez da baztertzen ekaitzen bat ere izatea. Elurrak 1.000 eta 1.200 metro artean jarraituko du.
Nafarroan, antzeko egoera izango da. Ostiralean, beroa izango da nagusi, Iruñean, Lizarran eta Tuteran 28-29 ºC-ko maximoekin, baina eguraldiak txarrera egingo du nabarmen. Estatuko Meteorologia Agentziak zeru estalia eta euria iragarri ditu larunbat eta iganderako, eta termometroek behera egingo dute nabarmen: Iruñean, adibidez, maximoak 16 ºC ingurura jaitsiko dira larunbatean, eta 11 ºC eskasera igandean.
Zure interesekoa izan daiteke
Abuztuaren 12ko eklipsea ikusteko homologatutako betaurrekoak erabili beharko dira, begietako osasuna zaintzeko
Eguzkiari zuzenean begiratzeak ondorio larriak izan ditzake, eta, hortaz, eklipse osoaz gozatzeko, betaurreko homologatuak erabili beharko dira. Hainbat puntutan daude salgai eta, hiru asteren faltan, gehienak orain saltzen ari dira.
Abisu horia ezarri dute gaur EAEn eta Nafarroan, tenperatura altuengatik
Ostegunera arte luzatuko da abisua horia Ebro ibarrean eta iragarpenaren arabera, astean zehar beroa izango da nagusi eta zerua oskarbi izango da. Asteburua fresko samar dator, eta hodeitsua.
Abisu horia Ebro ibarrean eta Nafarroa ia osoan, 35 eta 38 gradu arteko maximoak izango baitira
Eguzkia nagusituko da eta eguraldia egonkorra izango da egunotan. Asteak aurrera egin ahala, tenperaturek gora egingo dute, progresiboki.
Igande honetatik aurrera, giro eguzkitsuagoa Euskal Herrian
Tenperaturek atsedenaldi bat eman dute azken egunotan, baina igande honetan apur bat igoko dira eta eguzkiak distira egingo du berriro.
Tenperatura arinagoak asteburu honetan Euskal Herrian
Tenperatura baxuenak ostiral eta larunbat honetan erregistratuko dira Gasteizen, eta 16 ºC-ra jaitsiko dira. Balio altuenak, aldiz, Laguardian eta Iruñean izango dira, eta 32 ºC-ra helduko dira igandean.
Prest abuztuaren 12ko eklipserako? Hemen, hainbat jakingarri
Europako Espazio Agentziako astrofisikoek abuztuaren 12ko eguzki-eklipse osoa segurtasunez ikusteko gomendioak eman dituzte. Betaurreko homologatuak erabiltzea (eguzkitakoak ez), eklipse osoa denean soilik kentzea, eta mugikorrarekin grabatuz gero, filtroak ipintzea, besteak beste.
Asteartean eta asteazkenean hainbat abisu meteorologiko izango dira Euskal Herriko zati handi batean
Asteartea izango da egunik beroena, eta Ipar Euskal Herria eta Nafarroako erdialdea abisu laranjapean egongo dira. EAEn abisu horia izango da denean, itsasertzean izan ezik.
Hasi da eguraldia aldatzen: tenperatura 10 gradu jaitsi da bat-batean
Hodeitzarekin batera, haizea etorri da, eta horrelako irudiak utzi ditu azken orduotan. Tenperatura 10 gradu jaitsi da hainbat tokitan, eta hondartza batzuk bat-batean hustu dira.
Gau sargoria, 25 ºC-tik gorako tenperaturekin
Arratsaldetik aurrera tenperatura nabarmen jaitsiko da mendebal/ipar-mendebaldeko haize indartsuari esker. Zaparrada trumoitsuak ere espero dira, mendebaldean batez ere.
Tenperatura jaitsiera asteari ekiteko
Dena dela, beroa, izan, izango da: maximoak 30 ºC-tik hurbil egongo dira kostaldean, eta balio altuagoak barnealdean; minimoak, berriz, 19 ºC inguruan geratuko dira.