Udaberri giroko egunak aurretik, asteburura begirako aldaketaren atariko
Egunsentia, Laudion. Argazkia: Andoni Aza.
Gaur udaberriko giro eguzkitsua izango da Euskal Herrian, asteartean baino garbiago egongo da zerua, nahiz eta erdi mailako hodeiak eta goi-hodeiak agertuko diren, goizean, batez ere. Haizeak hegoaldetik jotzen jarraituko du baina aurreko egunetan baino ahulago, eta arratsaldean iparraldera aldatuko da. Horregatik Kantauri isurialdean tenperatura jaitsi egingo da, eta Mediterraneo isurialdean, pixka bat igo. Oro har, minimoak freskoago izango dira barnealdean (11 ºC) eta epelago kostaldean (13-14 ºC) eta maximoak 23-26 ºC ingurura iritsiko dira, beroenak hegoaldean.
Ostegunean ere udaberriko giro eguzkitsua nagusituko da. Zerua hodei gutxirekin egongo da orokorrean, noizbehinka erdi mailako hodeiak eta goi-hodeiak agertuko diren arren. Goizean goiz, behe-lainoa sortuko da eta kostaldean behe-hodeiak ere ager daitezke. Tenperaturei dagokienez, iparreko haize ahularen ondorioz, minimoak zertxobait baxuagoak izan daitezke, eta kostaldean maximoak ere 2-3 ºC freskoagoak izango dira; barnealdean berdintsu jarraituko dute. Iparraldeko haizea ibiliko da.
Ostiralean udako eguraldia izango da. Ipar isurialdeko zenbait lekutan behe-hodeiak zabalduko dira, batez ere kostaldean eta goizean goiz. Gainerako orduetan eguzkitsu egongo da, zerua ia garbi. Goizean hego-ekialdeko haizea ibiliko da eta tenperatua maximoek gorantz egingo dute berriro, barnealdean 25 ºC-tik gorako balioak izango dira leku askotan. Arratsaldean ipar-ekialdera egingo du haizeak eta astebururako aldaketa aurreikusten da, tenperatua jaitsi egingo da eta euria izango dugu.
Zure interesekoa izan daiteke
Beroagatik ezarritako abisu horia asteazkenera arte egongo da indarrean
Maximoak 30 ºCtik gora kokatuko dira, eta minimoak 20ren bueltan geratuko dira leku askotan. Baso sute arriskuagatik ere abisu horia ezarri du Segurtasun Sailak.
Abisu horia tenperatura altuengatik EAEn asteartera arte, baita baso-sute arriskuagatik ere
Abisu horia 13:00etatik 20:00etara egongo da indarrean gaur, tenperatura altuak direla eta, eta ordu berean aktibatuko da astelehenean eta asteartean ere. Datorren aste osoa izango da eguzkitsua eta beroa Euskal Herrian.
Abuztuaren 12ko eguzki-eklipseak Euskal Herriko zerua nola ilunduko duen erakutsi du errealitate murgiltzaileak
2026ko abuztuaren 12an eguzki eklipse oso bat ikusiko da Euskal Herrian, eta "Eguraldia" horretan murgildu da errealitate birtualari esker. Sei bideo prestatu ditugu gertatuko dena azaltzeko. 114 urte geroago, minutu batetik gora emango dugu erabateko iluntasunean, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria ikusteko lekurik onenetarikoa izango da.
Beroak asteburuan jarraituko du, baina epelago
Giro egonkorra eta eguzkitsua izango da, zerua oskarbi egongo da eta bero handia egingo du maiatzaren amaieran. Jaurlaritzak abisu horia ezarri du iganderako eta astelehenerako 13:00etatik 20:00etara beroagatik.
Errekorra maiatzeko tenperaturetan: 39,1 ºC neurtu dituzte Sopuertan
Maiatzean inoiz erregistratu diren tenperatura altuenak izan dira ostiral honetakoak. Euskal Herriaren mendebaldean izan da bero larriena, eta itzala bilatzea edota uretan freskatzea funtsezkoa izan da herritar askorentzat.
Uda sasoiko beroa Euskal Herrian: 35 graduko maximoak eta abisu horia Bizkaian eta Gipuzkoan
Larunbatean, ipar partean, beroa apur apur bat apaldu egingo da ipar-ekialdeko haizearen eraginez; barnealdean, berriz, bero egiten jarraituko du. Igandean, bero egingo du berriro, eta beroenak 30-35 graduren bueltan geldituko dira.
Beroa nagusitu da arratsaldean, Bizkaiko eta Gipuzkoako barnealdean bereziki, eta abisu horia ezarriko dute bihar
16:00etan, Sodupe-Cadagua (Gueñes) 36 °C-ra iritsi da, Zizurkil 35,1 °C-ra eta Muxika 35,1 °C-ra, 13:00etan ikusitako balioak nabarmen gaindituta. Datozen egunei begira, bero egiten jarraituko duela iragarri du Euskalmetek, gutxienez, datorren asteazkenera arte.
Eguzkia, beroa eta 30 gradutik gorako tenperaturak
Ostiralean ere zerua oskarbi egongo da eta tenperatura maximoak 30-35 artekoak izango dira.
Udaberria bueltan da Euskal Herrian, eta ostegunetik aurrera 30 graduen bueltan ibiliko dira termometroak
Astelehen eta asteartean tenperaturak gora egingo du, apurka, eta hodeiak egongo dira.
Bueltan da udaberria
Etzidamu iritsiko da aldaketa nabarmenena. Egun eguzkitsua eta beroa izango da asteazkenekoa, baita ostegunekoa eta ostiralekoa ere. Barnealdean, 30 graduak gaindituko dituzte termometroek.