Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Donald Trump Ameriketako Estatu Batuetako presidenteak gutun bat bidali die legegileei ostiral honetan, Ekialde Hurbilean tropak hedatuta mantentzeko Kongresuari baimena eskatzeko epea amaitzen den egunean, Iranekiko gerra amaitu dela ziurtatuz.
Politico egunkariak zabaldu duen dokumentu horren bidez, Trumpek amaiera eman nahi dio Exekutiboak Kapitolioaren onarpena behar duenaren inguruko eztabaidari.
60 eguneko epea eta su etena
"Ez da erasorik egon AEBren eta Iranen artean 2026ko apirilaren 7az geroztik", idatzi du Trumpek gutunean. Egun horretan bi aldeek adostutako tregoa aipatu du, errepublikanoak joan den astean alde bakarrez eta modu mugagabean luzatu zuena.
Ildo horretan, Pete Hegseth Gerra idazkariak eta Trumpek berak azken bi egunetan adierazi dute su etenak kontagailua zerora itzuli dela, Gerra Botereen Legeak ezartzen duen baimenari erreferentzia eginez.
Legeak zehazten duenez, Kongresuak tropak mantentzea onartu behar du gatazka hasi eta 60 egun bete baino lehen; hala ere, hori ez da beharrezkoa Legegileak gerra aurretik deklaratu edo baimendu badu, edota AEBk eraso zuzena jasan badu.
Trumpek iradoki du 1973an (Vietnamgo gerraren amaieran) onartutako lege hori "Konstituzioaren aurkakoa" izan daitekeela. Gainera, zehaztu du ordutik AEBko gobernu batek ere ez duela Kongresura jo atzerrian operazio bati eusteko.
Teorian, 60 eguneko epea gaur betetzen da. Legegileak martxoaren 2an hasi ziren kontatzen, Trumpen gobernuak erasoen hasierari buruzko txostena bidali zuenetik, AEBk eta Israelek Iranen aurkako erasoak hasi eta bi egunera.
Zure interesekoa izan daiteke
Trumpek adierazi du bat datorrela Xi Jinpingekin Irango gerrari amaiera emateko eta Ormuz berriz irekitzeko beharrarekin
Txinako hiriburuan egin den topaketa Irango krisian eta horrek merkataritza globalean dituen ondorioetan oinarritu da, Ormuzeko itsasarteari arreta berezia eskainiz.
Munduko Futbol Txapelketan bero izugarria izan daitekeela ohartarazi du ikerketa batek, eta egutegia berriz planteatzeko eskatu diote FIFAri
2026ko Munduko Futbol Txapelketako partiden laurdenean bero izugarria egin behar du, eta arriskutsua izan daiteke. Estatu Batuek, Mexikok eta Kanadak antolatuko duten txapelketan jokalari eta zaleek izango dituzten arriskuez ohartarazi du ikerketa zientifiko batek.
Xik Trumpi ohartarazi dio Taiwanekiko harremanak "txarto kudeatzea" bi herrialdeen arteko gatazka ekar dezakeela
AEBko eta Txinako presidenteek eta bi herrialdeetako ordezkariek bilera egin dute gaur goizean, sintonia onean. Horren emaitza da Trumpek egin duen iragarpena: hilabete batzuen buruan beste bilera bat egingo dute, Washingtonen.
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da. Hortaz, Ambition gurutzaontziak bidaia jarraituko du, eta, dena ondo bidean, datorren astelehenean iritsiko da Getxora.
Trump Pekinera iritsi da: Bi egun emango ditu han eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, Air Force One hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handietako ia hogei enpresaburu.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.