3,7 milioi siriar jaio dira gerra hasi zenetik, UNICEFen arabera
3,7 milioi siriar jaio dira duela bost urte Siriako gerra hasi zenetik eta, beraz, ia lau milioi haurrek ez dute guda besterik ezagutzen. Hala salatu du UNICEF Nazio Batuen Haurren Laguntzarako Funtsak astelehen honetan argitaratutako txosten batek.
Bost urtetik beherako 2,9 milioi siriarrek herrialdean jarraitzen dute eta beste 811.000 inguruko herrialdeetan bizi dira. Halaber, 151.000 haur erbestean jaio dira eta errefuxiatuak dira jaiotzez.
Nazio Batuen Haurren Laguntzarako Funtsak neurriak hartzea eskatu du belaunaldi galdu bat egon ez dadin: "Zer esango diegu horiei eta Siriako haur guztiei? Ez zaigula axola hezkuntza eta osasun gabeziengatik belaunaldi galdu bateko kide bilakatzea?". "Ezin dizkiegu gerrak lapurtutako haurtzaroko urte eder horiek bueltatu, baina beren etorkizunaren alde zerbait egin ahal dugu eta egin behar dugu", aldarrikatu du Anthony Lake UNICEFeko zuzendari exekutiboak.
UNICEFen datuen arabera, Sirian eta inguruko herrialdeetan bizi diren 8 milioi haur siriarrek baino gehiagok laguntza behar dute, bi milioi inguruk ez daukate laguntzarako sarbiderik eta 200.000 inguru setiatutako inguruetan bizi dira. 2013az geroztik, Nazio Batuen Erakundeak (NBE) ez dauka Sirian hildakoen inguruko datu egiaztaturik, baina ordura arte 10.000 haur siriar hil zirela uste du.
UNICEFen esanetan, Siriako gerran parte hartzen duten alde ezberdinek geroz eta adingabe gehiago errekrutatzen dituzte. Nazio Batuen Haurren Laguntzarako Funtsaren txostenaren arabera, gerraren lehendabiziko urteetan 15 eta 17 urte bitarteko nerabeak errekrutatzen zituzten batez ere; alabaina, 2014az geroztik baita 7 urteko haurrak ere.
Bestalde, gerrak ondorio larriak eragin ditu haur siriarren hezkuntzan. Hala, haur siriarren erdiek -2,8 milioi inguruk- hezkuntzarako sarbiderik ez dutela uste du UNICEFek, besteak beste, 6.000 ikastetxe inguru erabili ezinda daudelako.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.