Gutxienez bost lagun atxilotu dituzte Nizako atentatuarekin lotuta
Frantziako Poliziak hiru pertsona atxilotu ditu gaur Nizan, ostegun gauean hiri horretan jazo zen atentatuari buruzko ikerketaren harira. Horrenbestez, dagoeneko bost dira atxilotutakoak.
Atentatuaren egilea Mohamed Lahouaiej Bouhlel izan zen, eta atzo bere emaztea atxilotu zuten François Molins Errepublikako fiskalaren arabera. Egun horretan bertan beste gizonezko bat ere atxilotu zuten, baina ez da bere nortasunaren berri eman, eta goizalde honetan beste hiru lagun atxilotu dituzte bi operazio desberdinetan.
Europe 1 irrati-etxeak zehaztu duenez, poliziaren operazio berezien taldeak (RAID) eta polizia judizialaren Ikerketa eta Esku-hartzeen Brigadak Lahouaiej Bouhlelen bi ezagun atxilotu dituzte Nizako etxebizitza berean, tren-geltokitik gertu. Hirugarren atxiloketa gaur goizeko lehen orduetan egin da.
Hedabideek ez dute zehaztu Nizako Ingelesen pasealekuan atzo matxete batekin atzitu zuten gizona terroristarekin lotuta egon ote daitekeen.
Ikerketak
Frantziako arduradunek gaur ikerketa-lanekin jarraitzen dute eraso horren zioak argitzeko asmoz. Haren ondorioz, 84 pertsona hil dira, horien artean 10 haur eta nerabe, 200 pertsonatik gora zaurituta daude, horien artean 52 larri.
Fiskaltzak ikerketa bat zabaldu hilketa eta hilketa saiakerengatik, baita aginte publikoa duten pertsonak hiltzea saiatzeagatik ere (tirokatu zituen poliziak) eta terrorismoagatik.
Bernard Cazeneuve Barne ministroak atzo azaldu zuenez, ikerketa horrekin argitu nahi da ea erasotzaileak beste batzuen aginduei erantzun zien, "Estatu Islamikoaren etengabeko mezuen erantzun" zien edota desoreka psikikoren batengatik.
Ministroak adierazi zuen momentuz ez dagoela hura muturreko islamismoarekin lotzeko elementurik. Aitzitik, harreman hori bazela esan zuen Manuel Valls gobernuburuak: Bouhlel "terrorista bat zen zalantzarik gabe", jihadismoarekin lotutakoa "era batera edo bestera".
Albiste gehiago mundua
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.