Zer gertatu da Nizan?
Egun odoltsua izan da 2016ko uztailaren 14a, Errepublikaren eguna, Frantzian. Dozenaka pertsona hil dituzte Nizan, atentatu terrorista batean. Herri turistiko honetako Ingelesen Pasealekuan bilduta zegoen jendetza harrapatu du kamioi batek, eta sarraskia eragin du. Pasealekua jendez lepo zegoen, jaia dela eta, su artifizialak ikusten ari zirelako.
Zer geratu da?
Kamioiaren gidaria tiroz hil du Poliziak, Ingelesen Pasealekuan bi kilometro inguruko ibilbidea egin ondoren. Lekukoen arabera, ziztu bizian -90 km/h- joan da eta ezker eskuin bolante-kolpeak emanda, ahalik eta jende gehien harrapatzeko asmoarekin.
Ibilgailu barruan pistola bat eta faltsuak ziren arma luze ugari eta granada bat topatu dituzte. Kamioia alokatutakoa zen. Ibilgailuaren kabinan bildu dituzten hatz markei esker identifikatu dute terrorista: tunisiar jatorriko 31 urteko frantses bat da.
Biktimen balantzea
Gutxienez 84 hil ditu erasotzaileak kamioiarekin harrapatuta. Zauritutakoen kopurua ere handia da oso: gutxienez 50 haur ospitalean daude, euren zaurien larritasunen berri eman ez badute ere. Osasun arduradunek adierazi dutenez, goizeko lehen orduan Nizako ospitale pediatriakoan zeuden bi haur hil dira, ebakuntza egiten ari zitzaienean.
Agintariek ez dute zehaztu zenbat haur hil diren. 84 hildakoez hain, hamarnaka zauritu daude; 18 larri daude, 50ek zauri arinak dituzte eta 120 larrialdietako zerbitzuek artatu dituzte.
Nor izan da erasoaren egilea?
Nice Matin bertako egunkariak zehaztu duenez, Mohamed Lahouaiej Bouhlel tunisiar jatorriko 31 urteko frantziar bat da, baina hori ez dute oraindik ofizialki baieztatu.
Bouhlelek aurrekariak zituen, baina ez terrorismoagatik.
Pertsona batzuek bala zauriak dituzte. Ustezko terroristak erabilitako kamioiak 20 bat tiro jaso ditu aurreko kristalean.
Hasiera batean, bahituen eta erasoaren konplize armatuen berri eman dute Nizako kaleetan, baina Pierre-Henri Brandet Barne Ministerioko bozeramaileak gezurtatu egin du informazio hori.
Sare Sozialak, elkartasunaren adierazle
Sare sozialak elkartasun mezuz bete dira eta #PrayforNiza eta #Nice06 traolek milaka mezu jaso dituzte. Parisko atentatuekin gertatu zen bezala, frantziarrek euren etxeetako ateak ireki dituzte atentatuaren biktimei babesa emateko. #PortesOuverNice traolak 375.000 txio jaso ditu atentatuaren ondoren 12 orduetan.
Informazio jasotzeko telefonoak
Espainiak Nizan duen Kontsulatuak eta Espainiako Gobernuko Ministerioak Nizako atentatuengatik kaltetuei eta haren familiei informazioa jasotzeko telefonoak jarri dizkiete. Kontsulatuak 0608717988 telefonoa jarri du martxan Frantziatik deitzen dutenentzat eta 00 33 608717988 telefonoa deia Espainiatik egiten dutenentzat. Halaber, 0493722222 telefonoa jarri dute Frantziatik, familiei eta biktimei bideratuta.
Hiru dolu egun
Manuel Valls Frantziako lehen ministroak nabarmendu duenez, bestalde, bart Nizan izandako "ekintza terroristak" agerian utzi du "gerra egoeran" daudela, baina hala izanagatik ere, Frantzia ez dutela garaituko.
"Frantzia demokrazia handia da, eta ez du amore emango", esan du Francois Hollandek zuzendutako segurtasun eta defentsa batzordearen bilera egin ondotik eskainitako agerraldian.
Vallsen hitzetan, Hollandek hiru dolu egun ezarri ditu larunbatetik aurrera, "biktimen omenez". Ostiral honetatik, bestalde, eraikinetako banderak masta erdian egongo dira.
Kontrolak
Espainiako Gobernuak polizia-kontrolak areagotuko ditu garraiobideen azpiegituretan, eta arreta berezia jarriko die jende asko biltzen den lekuei eta turismoguneei.
Horrela eman du jakitera Jorge Fernandez Diaz Barne ministroak. Horrez gain, eta Frantziako agintariekin bat etorrita, mugetan egiten ari diren polizia-kontrolei eustea erabaki dute (hilaren 26an bukatu behar ziren). Kontrol horiek maiatzean jarri ziren indarrean futboleko Eurokopa txapelketa eta Frantziako Tourra dela-eta.
Terrorismoaren aurkako itunaren eta mehatxuaren arrisku mahaiaren jarraipen-batzordearen bileratik atera ostean egin ditu adierazpen horiek Fernandez Diazek. Adierazi duenez, bilera horretan inteligentzia zerbitzu guztiek "aho batez" erabaki dute alerta-egoera 4. mailan uztea, ez baitute ikusten Espainian atentaturik izateko berehalako arriskurik dagoenik. Horrenbestez, ez dute alerta-egoera 5. mailara igoko (alerta antiterrorista 4. mailan dago 2015eko ekainaren 26tik), baina neurriak "areagotuko" dituzte.
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.