Espainiako Gobernuak kontrolak eta zaintza areagotuko ditu
Espainiako Gobernuak polizia-kontrolak areagotuko ditu garraiobideen azpiegituretan, eta arreta berezia jarriko die jende asko biltzen den lekuei eta turismoguneei, atzo Nizan izan zen eta 84 pertsonaren heriotza eragin zuen atentatuaren ostean.
Horrela eman du jakitera Jorge Fernandez Diaz Barne ministroak. Horrez gain, eta Frantziako agintariekin bat etorrita, mugetan egiten ari diren polizia-kontrolei eustea erabaki dute (hilaren 26an bukatu behar ziren). Kontrol horiek maiatzean jarri ziren indarrean futboleko Eurokopa txapelketa eta Frantziako Tourra dela-eta.
Terrorismoaren aurkako itunaren eta mehatxuaren arrisku mahaiaren jarraipen-batzordearen bileratik atera ostean egin ditu adierazpen horiek Fernandez Diazek. Adierazi duenez, bilera horretan inteligentzia zerbitzu guztiek "aho batez" erabaki dute alerta-egoera 4. mailan uztea, ez baitute ikusten Espainian atentaturik izateko berehalako arriskurik dagoenik. Horrenbestez, ez dute alerta-egoera 5. mailara igoko (alerta antiterrorista 4. mailan dago 2015eko ekainaren 26tik), baina neurriak "areagotuko" dituzte.
Jarduneko barne ministroak adierazi duenaren arabera, bart gauean EAEko eta Kataluniako Barne sailburuekin hitz egin du, eta polizia autonomikoek mahaian parte hartu dutela azaldu du.
Bestalde, Diazek esan du Frantziako agintariek esku artean dituzten datuen arabera, Nizako atentatua jihadismoarekin lotuta egon daitekeela dirudi, baina "terrorista bakar baten" ekintza izan dela, eta ez erakunde batena.
Nahiz eta alderdi hori oraindik baieztatu gabe dagoen, erakunde terrorista batek atentatu bat antolatzen duenean, tarte laburra igaro ohi da atentatua gauzatzen denetik eta bere egiletza aldarrikatzen den arte, erakundea jakinaren gainean egoten baita. Aldiz, aldarrikapena agertzen den arte denbora igarotzen bada, "banakako terrorista baten kontua izan dela pentsatu ohi da".
ntsatu ohi da".Zure interesekoa izan daiteke
Renfek autobus bidez eskainiko du Beasain eta Tolosa arteko zerbitzua gaurtik aurrera, lanak direla eta
Beasain eta Tolosa arteko tren zerbitzua sei egunez etengo dute, abuztuaren 17tik 19ra eta 29tik 31ra.
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.
"Nolabaiteko baikortasuna" Rigloseko sutean, suak Jaca ondoko Oroel mendira jotzea oztopatu ondoren
16.600 hektarea baino gehiago kaltetu ditu suteak, eta mila bat lagun eta 35-40 aire-baliabide ari dira lanean; 19 herrigunetako 1.046 bizilagunek etxetik kanpo jarraitzen dute. UMEko militar bat hil da gaur arratsaldean, Jakatik 10 kilometrora.
Autoak zeramatzan kamioi batek errepidetik irten eta su hartu du Sunbillan
Autoak zeramatzan kamioi bat errepidetik atera eta su hartu du Sunbilla parean. Kamioia erabat kiskalita geratu da baina gidaria, 49 urteko gizonezkoa, arin zauritu da. 07:00ak aldera gertatu da ezbeharra N-121 errepidean.
10 urteko haur bizkaitar bat egoera kritikoan, Espinosa de los Monterosen (Burgos) traktore batek harrapatu ostean
Istripua larunbateko 22:30ak baino minutu batzuk lehenago gertatu zen, Sancho Garcia plazan, oraindik argitzeke dauden arrazoiengatik.
Jorge Carvalhok euskara bere bizimodu bihurtzea lortu du
Ia 30 urte daramatza jada Euskal Herrian bizitzen. Igeltseroa da lanbidez, baina pandemian lana galdu zuen, eta 62 urte zituela betidanik maite izan duen zaletasuna bizimodu bihurtzea erabaki zuen: kalean euskaraz kantatzea. Ordutik, Bilboko Plaza Eliptikoan giroa alaitzen du, euskarazko errepertorio zabalarekin.
Bi lagun zauritu dira hegazkin txiki batek Vianan izan duen istripuan
300 oin inguruko altueratik erori dira Ulagosa izeneko eremura. Batek pronostiko larriko traumatismo kraneoentzefalikoa du, eta besteak traumatismo kraneoentzefalikoa eta orkatilla hautsita.
Abian da mahats-bilketa, historiako goiztiarrena
Mahatsondoak ohi baino lehenago hasi dira fruitua ematen, eta Nafarroako Erriberan ekin diote jada mahatsa biltzeari. Inurrieta bodegan iaz baino astebete lehenago jarri dituzte martxan uzta biltzeko makinak.
Donostiak amaiera eman dio Aste Nagusi borobilari, gorabehera garrantzitsurik gabe
Insaustik nabarmendu du delituen kopurua % 45 jaitsi dela iazkoarekin alderatuta, eta pandemiaren ostean izan den kopururik txikiena izan dela.