Atentatuaren egilea britainiarra zen eta MI5ek ikertu zuen iraganean
Britainia Handiko Poliziak zortzi pertsona atxilotu ditu gaur, osteguna, goizeko lehen orduan, gauez egindako sei operaziotan, tartean Birmingham hiriko etxebizitza batean, Scotland Yardek gaur, osteguna, goizean egindako agerraldi batean azaldu duenez.
Atxiloketak Erresuma Batuko Parlamentuaren aurrean egindako atentatu terroristarekin lotuta daude.
Theresa May lehen ministroak jakinarazi du Londreseko atentatuaren egilea Erresuma Batuan jaio zela eta, iraganean, MI5ek ikertu egin zuela, baina gaur egun ez zegoen terrorismoaren aurkako zerbitzuen ikerketapean.
Mayren arabera, orain arte darabilten datuen arabera, terrorista "bakarrik jardun" zen, ideologia islamikoak bultzatuta. Lehen ministroak ez du bere nortasuna zein den adierazi eta, azaldu duenez, MI5ek ikertu egin zuen orain dela urte batzuk muturreko terrorismoarekin lotura zuelakoan, baina bigarren mailako mehatxu bat bezala.
Bestalde, May aurreratu du segurtasun indarrak areagotuko direla, baina ez dute alerta terroristaren maila igoko. Egun, bigarren mailarik handienean dago, Inteligentzia zerbitzuak ez baitu uste beste atentatu bat izateko arriskuan direla.
Mark Rowley Poliziaren bozeramalearen esanetan, atentatuaren egilea "nazioarteko terrorismoan" oinarritu zen ekintza egiteko, baina ez du bere izena ezagutarazi nahi izan. Atxilotutako pertsonak Birmingham, Londresen eta zehaztu ez duten beste leku batean jarduten zuten.
BBC telebista kate britainiarrak iragarri du atentatua egiteko erabilitako autoa Birminghamen alokatu zuela terroristak, zenbait proben arabera, baina iturri ofizialik ez dute, momentuz, datua baieztatu.
Rowleyk atentatuaren ustezko egilea ez identifikatzea eskatu die hedabideei. "Izena ez publikatzeko eskatzen jarraitzen dut, ikerketaren une zail batean gaudelako eta, esan dudanez, miaketak eta atxiloketak egiten ari dira oraindik", azaldu du.
Mark Rowley, agerraldian. Argazkia: EFE
Londreseko Poliziaren terrorismoaren aurkako unitateko buruak azpimarratu duenez, agenteek "ez dute mehatxu berri baten berri". "Gure ikerketak martxan jarraitzen du, uneoro ari da aurrera egiten eta horren helburua zergatia, prestaketa eta kideak zeintzuk izan diren argitzea da", Scotland Yarden arabera.
Bestalde, Michael Fallon Defentsa ministro britainiarraren hitzetan, Gobernuak eta segurtasun indarrek uste dute Londreseko atentatua "terrorismo islamikoarekin lotuta" dagoela.
BBCren Radio 4 irratian adierazi duenez, oraindik ikerketan sakontzen ari badira ere, "jakintzat ematen da hau guztia terrorismo islamikoarekin lotuta dagoela".
Fallon Defentsa ministroa, orain dela gutxi egindako argazki batean. Iturria: EFE
Lau hildako, 29 zauritu
Lau pertsona hil ziren atentatuan: erasotzailea, Keith Palmer 48 urteko polizia britainiar bat, 40-50 urteko beste gizonezko bat eta Aysha Frade 43 urteko emakumea. Azken hori britainiarra bazen ere, jatorriz galiziarra zen.
29 pertsona daude ospitalean une honetan, horietatik, zazpi, egoera kritikoan. 12 britainiar, hiru frantziar, bi errumaniar, lau hegokorear, alemaniar bat, txinatar bat, irlandar bat, italiar bat eta bi greziar daude zaurituen artean.
Segurtasuna indartu dute kale nagusietan
Sadiq Khan Londresko alkateak jakitera eman duenez, Londres erdiguneko kale nagusietan segurtasuna indartzeko agindua eman du, eta datozen orduotan polizia armatu gehiago ibiliko dira zaintza lanak egiten. Ildo horretatik, terroristek ez dituztela herritarrak ikaratuko ziurtatu du.
"Gaurtik aurrera, herritarren eta bisitarien segurtasuna bermatzeko polizia armatu gehiago ibiliko dira kalean", azpimarratu du Londresko alkateak.
"Herritar eta turista guztiak lasaitu nahi ditut, ez daitezela ikaratu. Gure hiria munduko tokirik seguruenetako bat da", ziurtatu du Sadiq Khanek.
Zure interesekoa izan daiteke
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Hainbat pertsona sastatu dituzte Cambridgeko tren batean
Bi pertsona atxilotu dituzte, eta Erresuma Batuko Garraio Poliziak jakinarazi duenez, terrorismoaren aurkako agintariak ikerketan laguntzen hasi dira.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.
Saharar autonomiarako Marokoren plana hartu du oinarri Segurtasun Kontseiluak, eta beste urtebetez luzatu du bere misioa
Marokoren plana "irtenbide justu eta iraunkor bakarra" dela uste du AEBko proposamenak, eta aurrera atera da, Aljeria, Txina eta Errusiaren abstentzioarekin.