EBk 'aho batez' onartu ditu 'Brexit'a negoziatzeko jarraibideak
Europar Batasuneko Estatu eta Gobernu buruek guztien adostasunaz onartu dituzte Erresuma Batuaren irteera negoziatzeko irizpideak, gaur Europako Kontseiluak Bruselan egin duen goi-bileran. Prozesua bi urtetan amaitu behar dute, eta buruzagiek 'Brexit'aren aurrean duten batasuna azpimarratu nahi dute.
"Jarraibideak aho batez onartu dira. 27 kideko Europar Batasunaren agintaldi politiko sendo eta bidezkoa prest dago 'Brexit'a negoziatzeko", iragarri du Donald Tusk Europako Kontseiluko presidenteak bere Twitter profilean.
Europako agintariek, Theresa May britainiarraren presentziarik gabe, oniritzia eman diote Tusken lantaldeak prestatutako bederatzi orrialdeko dokumentuari, behin Londresek batasunetik ateratzeari buruz hitz egiten hasteko eskaera formala bidali ostean.
Hala, aipatu agiriak Europar Batasunak proposatutako ikuspegi progresiboa nabarmendu nahi du, etorkizunean aldebiko harremanak izateko akordio paraleloa baztertzeaz gain. Dena den, etorkizunak izan lezakeen itxura eztabaidatzen hasteko bidea ireki du, baldin eta datozen hilabeteetan gai garrantzitsuetan aurrerapen esanguratsuak lortzen badira.
Gaur EBko 27 herrialdeek adostu duten dokumentua ez da apenas aldatu, Tuskek martxoaren 31n hiriburuetara bidalitako testuaren alderatuta. Idatzi hartan hiru lehentasun ezarri zituen: Erresuma Batuan bizi diren hiritar europarren eskubideak babestea, Londresek EB uzteagatik ordaindu beharreko "faktura" eta Ipar Irlandaren mugaren egoera argitzea.
Erabilitako hizkera moldatu dute, zenbait arlotan gogortzeko. Esate baterako, hiritar komunitarioen eskubideak bermatu nahi dituzte, Erresuma Batuan bost urtez bizi eta gero, bertan bizileku iraunkorra lor dezaten.
"Sendotu" den beste arlo bat da Erresuma Batuak, Batasuneko kide gisa, erkidegoko aurrekontuarekin eta Europako Banku Zentrala edota Europako Inbertsioen Bankua bezalako erakundeekin bere gain hartutako konpromisoak eta erantzukizunak aipatzen dituena.
EMA eta EBA agentzien egoitza
Bitartean, erkidegoko bazkideek Europako Sendagaien Agentziaren Europako Banketxeen Agintaritzaren egoitzak etorkizunean non egongo diren zehazteko irizpideak eta egutegia ere aztertu behar dituzte; izan ere, 'Brexit'aren ondorioz, Londresko egoitzak itxi eta beste hiri batzuk aukeratu beharko dituzte.
Jarraibideetan jasotzen denez, lekualdatzea ahalik eta azkarren egitea nahi dute. Hartara, ekaineko bileran hiriak aukeratzeko irizpideak adostea espero dute. Hala eta guztiz ere, hainbat iturriren arabera, litekeena da prozesua urrira arte edo abendura arte luzatzea.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.