Etxe Zuriko komunikazio zuzendariak dimisioa eman du
Astearte honetan dimisioa eman du Mike Dubke Etxe Zuriko komunikazio zuzendariak, azken asteotan Errusiak AEBko hauteskundeetan esku hartu zuen argitzeko ikerketa dela eta herrialde horretako komunikazio estrategiaren inguruan polemika ugari sortu ostean.
Momentuz, Etze Zuriak ez du hitzik esan haren erabakiaren inguruan, baina Amerikako Estatu Batuetako hainbat hedabideren esanetan, Dubkek astearte honetan bertan agurtuko ditu azken hilabeteotan bidelagun izan dituen lankide guztiak.
Sean Spicer Etxe Zuriko bozeramailearekin buru-belarri aritu da lanean orain arte. Spicer AEBko Gobernuaren ordez hitz egiteko ardura duen pertsona da, baina azken asteotan kazetariekin izandako harremanak direla eta kritika ugari jaso ditu.
Azken egunotan, komunikazio kabinetean aldaketak egiteko aukera aztertu du Trumpek, eta, aditu askoren esanetan, Spicer kaleratzeko asmoa zuen.
Dubkek joan den martxoaren 6an hartu zuen Etxe Zuriko komunikazio zuzendari kargua, eta, ordudanik, nazioartean oihartzun handia izan duten hainbat polemikari aurre egin behar izan die. Adibidez, Trumpen hauteskunde-kanpainaren eta Errusiaren arteko lotura ikertzeko ardura zuen James Comey FBIko zuzendari ohia egun batetik bestera kargugabetzea erabaki zutenean.
Zure interesekoa izan daiteke
Hildakoen kopuruak gora egiten jarraitzen du Suitzako Crans Montana eski estazioan izandako sutean
Azken informazioen arabera, 40 hildako eta ehunka zauritu inguru dira jada sutean; hala ere, oraindik ez da datu ofizialik. "Le Constellation" tabernan ospatzen ari ziren urte berriko festan piztu zen sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.
Su artifizial liluragarriak mundu osoan 2026 urteari harrera egiteko
Su artifizial ikusgarriz eta musikaz lagunduta, urte berrian abiatu dira Rio de Janeiro, New York, Paris, Berlin edo Dubai bezalako munduko hiriburu handiak.
Zeelanda Berriak ongietorria eman dio 2026 urteari
Ozeaniako herrialde hau izan da 2025ari agur esan eta 2026ari ongietorria eman dion lehenengoetako bat, Aucklanden su artifizialen ikuskizun batekin.
Israelek Somalilandia aitortzea, Afrikako Adarreko taula geoestrategikoan faktore berria
Israelek Somalilandia onartzeak hamarkadetako gatazka sezesionista pizteaz gain, pieza berri ezegonkor bat txertatzen du Afrikako Adarreko eta Ekialde Ertaineko aliantzen eta etsaitasunen taula geoestrategiko konplexuan.
Gutxienez pertsona bat hil da eta 80 inguru zauritu dira Machu Pichura zihoazen bi trenek aurrez aurre talka egin ostean
Gutxienez pertsona bat hil da eta beste 78 zauritu dira astearte arratsalde honetan Machu Picchuko Parke Arkeologiko Nazionalera zihoazen bi trenek aurrez aurre talka egin ostean, Ollantaytambo herrian, Urubamba probintzian, Peru hegoaldean.
Hamar herrialdek eskatu diote Israeli UNRWAk eta GKEek esku har dezatela egoera "katastrofikoaren" aurrean
Israelek UNRWAren operazioen etetea azkartzen duen lege bat onartu du, NBEren agentzia 2023ko urriaren 7ko erasoetan inplikatuta dagoela iritzita.