Migrazio krisiaren aurrean, EBko mugak indartu nahi dituzte Alemaniak eta Frantziak
Migrazio krisiaren aurrean, Europar Batasuneko mugak indartzea eta etorkinei asiloa edozein herrialdetan eskatzeko aukera mugatzea adostu dute Angela Merkelek eta Emmanuel Macronek. Hortaz, migratzaileek iristen diren estatuan soilik eskatu ahal izango dute babesa, proposamena onartuz gero.
Alemania eta Frantziako agintariek bilera egin dute Meserbergen —Berlin kanpoaldea—, ekainaren bukaeran Europar Batasuneko gobernuburuek egingo duten goi-bilerarako jarrerak adosteko asmoz. Migrazioaren arazo humanitarioa eta Europar Batasunaren erreforma izango dira bertan jorratuko dituzten gai nagusiak.
Europako Batzordeak eta Austriak proposatu bezala, Europar Batasuneko mugan polizia gehiago jartzearen alde dagoela baieztatu du Merkelek, eta, ildo horretan, Europar Batasuneko herrialdeen baitako "bigarren mailako migrazioa" ekidin behar dela erantsi du.
Macronek ere antzeko adierazpenak egin ditu, eta "migrazioaren erronkari" Europak "erantzun bateratua eta koordinatua" eman behar diola azpimarratu du.
Horrez gain, Alemaniako kantzilerrak adierazi du migratzaileei mugatu egin behar zaizkiela asiloa eskatzeko aukerak. Oraingoz migratzaileek edozein herrialdetan egin dezakete asilo-eskaera, baina aurrerantzean iristen diren estatuan soilik egin ahal izatea proposatu du Merkelek.
Migrazioaren arazoa gehien pairatzen duten herrialdeei laguntza gehiago ematea ere galdegin du, Europa hegoaldeko herrialdeei aipu eginez. Atzo Guiseppe Conte Italiako lehen ministroarekin bildu ostean egin ditu adierazpenok.
(Angela Merkel eta Emmanuel Macron. Argazkia: EFE)
Eurogunea erreformatzea adostu dute Merkelek eta Macronek
Bestalde, Angela Merkelek iragarri du eurogunea erreformatzea adostu duela Emmanuel Macronekin Meserbergen —Berlin kanpoaldea— bi agintariek egin duten bileran.
Zehazki, eurogunearentzat aurrekontu propio bat sortzea eta erreskaterako funtsa eraldatzea adostu dute, Nazioarteko Diru Funtsaren pareko bilakatuz.
Eurogunearen aurrekontua Europar Batasuneko urteko markoaren "paraleloa" izango da eta herrialdeen arteko "konbergentzia" izango du helburu. Erreskaterako funtsa, berriz, "likidezia arazoei aurre egiteko" eta herrialdeei "egonkortasuna emateko tresna gehigarria" izango da.
Horrela, bada, erreskaterako funtsa Nazioarteko Diru Funtsaren pareko bilakatzeko bidean jarriko da, Merkelek azaldu duenez.
Erreskaterako funtsaren aldaketa Alemaniako Gobernuaren eskaria izan da; aurrekontu komuna sortzea, berriz, Frantziako Gobernuarena.
Europar Batasuneko gainerako herrialdeekin erreformaren xehetasunak eztabaidatzea eta adostea izango da hurrengo urratsa.
Macronek esan du erreforma 2021erako gauzatuta egotea dela asmoa. "Baina orain gainerako bazkideekin erritmoak zehaztu behar ditugu", erantsi du.
Zure interesekoa izan daiteke
Teleferikoa, Parisko mugikortasun arazoak konpontzeko proiektu berria
Orain arte, lur gainekoa edo azpikoa zen Parisko garraio publikoa, baina orain airera eramatea erabaki dute. Europan lehen aldia da horrelako proiektua martxan jartzen dela. Erosoa eta isila da Paris kanpoaldeko lau herri lotzen dituen teleferikoa.
Ukraina "atsedenik gabe" ari da lanean bake-plana "errealista eta fidagarria" izan dadin
Zelenskik telefonoz hitz egin du AEBetako mandatari bereziarekin. Asteazkenean, ateak ireki zizkion Donbasetik tropak erretiratzeko aukerari.
Gabonetako meza San Pedroko basilikara itzuli da 30 urte baino gehiagoren ondoren
Leon XIV.ak Aita Santu gisa eman duen lehen Gabonetako mezaren buru izan da, eta agertoki historiko bat berreskuratu du: San Pedro basilika, 1994tik liturgia hori egiten ez zen lekua. Aita Santuak Gazako sufrimendua eta munduan dauden errefuxiatuena ekarri ditu gogora bere homilian.
Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute
Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.