Immigrazioari buruzko EBren goi-bilera akordio baterako 'aurrerapauso'ekin amaitu da
Europar Batasuneko hamasei herrialdek immigrazioari buruzko goi-bilera informala egin dute igande honetan, Bruselan, eta datorren asteko Europako Kontseilurako aurrerapausoak ematen amaitu dute, bileran izan diren hainbat estatuburu eta gobernuburuk esan dutenez.
Pedro Sanchez Espainiako Gobernuko presidentea itxaropentsu azaldu da Europar Batasuna akordio batera iristearen inguruan immigrazioari aurreko egiteko, eta bileran norabide horretan "aurrerapausoak" eman direla nabarmendu du.
Halaber, Giuseppe Conte Italiako lehen ministroak bileran egin dituen proposamenen aurrean, besteak beste, igarotze herrialdeetan zentroak sortzea, Europan asilo eskubidea nork duen erabakitzeko, Sanchezek esan du entzun egin dituztela, eta aztertuko egingo direla.
Migratzaileak lehorreratzen diren EBren herrialdeetan zentro kontrolatuak sortzeko proposamenari buruz, dagoeneko Espainian dagoen sistemarekin oso lotuta dagoela azpimarratu du. Espainiak Frantzia eta Alemaniarekin partekatzen du proposamen hori.
Horren harira, Sanchezek adierazi du migratzaileak Espainiara iristen direnean arreta humanitarioa ematen dietela lehenengo, eta, geroago, asiloa kudeatzen hasten direla, horretarako eskubidea dutenentzat; gainerakoak behin-behineko zentroetara doazen bitartean, eta, hortik aurrera, garrantzitsua itzulerak direla.
Espainiako Gobernuko presidentearen hitzetan, proposamenak aurrera eginez gero, Espainian "berritasun handia" da Europa sartuko litzatekeela sistema kudeatzera eta finantzatzera.
Bestalde, Angela Merkel Alemaniako kantzilerrak goi-bileraren ostean esan duenez, migratzaileen etorreragatik eragin handiena izan duten kideei "bakarrik utzi ezin" zaien kontzientzia dago. Errefuxiatuek asiloa zein herrialdetan eskatu erabaki ezin dutela gaineratu du.
Merkel eta Emmanuel Macron Frantziako presidentea bat etorri dira "Europako irtenbide bat" aurkitzeko beharrean migrazioaren gaiari aurre egiteko. Biek azpimarratu dute irtenbide horrek ez duela zertan Hogeita zortzien arteko akordio bat izan, "batera aurrera egitea erabakitzen" duten herrialde kideen artekoa baizik.
Albiste gehiago mundua
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.
Parazetamola, haurdunaldia eta autismoa: ikerketa askok baztertzen duten korrelazioa
Zientzialarien esanetan, parazetamola beste edozein aukera baino hobea da haurdun dauden emakumeen mina arintzeko. Gainera, seme-alaba autistak dituzten familiak estigmatizatzeko arriskuaz ohartarazi dute, gurasoek eragin duten ustea zabal daitekeelako.
Jimmy Kimmelen programa bueltan da, Charlie Kirken hilketari buruzko iruzkinengatik bertan behera geratu ostean
"Jimmy Kimmel Live!" umorezko late night arrakastatsua ABC katera itzuliko da, saioa kendu izanak Ameriketako Estatu Batuetan sortutako polemikaren ostean.
Beste hamaika herrialdek onartu dute Palestinako Estatua
Frantzia, Belgika, Luxenburgo, Andorra, Malta, Monako eta San Marino izan dira pausoa ematen azkenak, New Yorken bi estatuen konponbidea gauzatzeko pausoak zehazteko asmoz egindako goi bileran.
Trumpek parazetamola autismoarekin lotu du, ebidentzia zientifikorik ez dagoen arren
Donald Trumpen Gobernuak lotura posible bat aurkitu omen du autismoaren eta haurdunaldian parazetamola kontsumitzearen artean. AEBko presidenteak Etxe Zurian iragarri du aurkikuntza, adituek teoria horren sendotasun zientifikoa zalantzan jartzen duten arren.
Albiste izango dira: Nazio Batuen Batzar Nagusia, Zinemaldia eta eguraldia
Gaurkoan Orain-en albiste izango direnen laburpena, bi hitzetan.
Palestinako Estatuaren aitortza erdigunean dela abiatuko da NBEren 80. Batzar Nagusian
Erresuma Batuak, Kanadak, Australiak, Portugalek eta Frantziak aitortu dute ofizialki Palestinako Estatua, goi-bileraren bezperan. Horren aurrean, Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
"Ondorio juridikoak baino, garrantzi politikoa du nazioarteak Palestina aitortzeak"
Victor Amado EHUko Historia Garaikideko irakasleak uste du onarpenarekin Palestinak nazioarteko zilegitasuna irabaziko duela, Netanyahuren erregimen gero eta isolatuagoaren aurrean.
NBEk gerra eta gizateriaren aurkako krimenak leporatu dizkio Errusiari, Ukrainan egindako gehiegikeriengatik
Ikertzaileek Ukrainako zibilen aurkako eraso indiskriminatuak salatu dituzte.