EB barruan migratzaileen zentro 'itxiak' sortzea proposatu dute Macron eta Sanchezek
Emmanuel Macron Frantziako presidenteak Europar Batasunaren barruan zentro "itxiak" sortzea proposatu du larunbat honetan, itsasotik erreskatatutako migratzaileak lehorreratzeko. Bertatik asilo eskubidea dutenak bloke komunitarioko herrialdeen artean banatzea proposatu du, eta ez dutenak jaioterrira itzultzea.
"Porturik seguruenean eta gertuenean lehorreratzeko printzipio sinplean oinarritzen da, baina behin Europako lurretan lehorreratzea eginda, Nazio Batuen araberakoak diren zentro itxiak martxan jartzearen alde gaude, Europako funtsek finantzatuta", azaldu du Macronek, Eliseoan eman duen prentsaurrekoan, Pedro Sanchez Espainiako Gobernuko presidentearekin bildu ostean.
Bloke komunitariotik kanpo zentro migratzaileak sortzeko ekimenaren "ideia ezberdina baina osagarria" dela adierazi du. Europako buruek eztabaidatuko dute gaia igandean eta datorren ostegunean.
Macronek zehaztu duenez, zentro hauetan modu "azkarrean" jardungo dute kasu bakoitzean, asiloa duten ala ez jakiteko. Lehenengo kasuan, "Europaren elkartasuna" eskatu du, "herrialde bakoitzak modu antolatuan hartu ditzan" nazioarteko babesa jasotzeko eskubidea duten pertsonak, eta eskubidea ez dutenei jaioterrira "lagundu" diezaieten.
Proposamenak Pedro Sanchez Espainiako Gobernuko presidentearen babesa jaso du. "Frantziak eta Espainiak Italiari batera egiten diogun proposamena babesten dugu noski, orain Italiako kostan dagoen ontziaren gaiari irtenbidea jarri ahal izateko", adierazi du, Lifeline erakundearen ontziaren harira.
Zure interesekoa izan daiteke
Ebolagatik hildakoak 100 baino gehiago dira Afrikako Batasunaren arabera, eta larrialdi kontinentala ezarri du
Afrikako Batasuneko osasun publikoko agentziak ohartarazi duenez, ebola agerraldia Kongoko Errepublika Demokratikoko ingurune konplexu batean atzeman dute: mugikortasun handiko ingurua da eta osasun sistema, berriz, ahula.
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.