Brexita gezur biribila zen
Brexitaren aldekoek britainiarrei esan zieten Europako Batasunetik irtetea negozio borobila izango zela. % 52k sinetsi egin zuten eta Europako Batasunetik irtetearen alde bozkatu zuten 2016ko erreferendumean.
Orain Gobernuak gauzak diren moduan kontatu die: ez da negozio ona bat ere ez; are gehiago, irteera hori aldez aurretik Bruselarekin akordio bat lortu gabe egiten bada, desastre hutsa izan daiteke britainiarrentzat.
Theresa May lehen ministroak aitortu du Brexitaren kontrakoek jada ohartarazi zutena: Batasunetik irten nahi ez zutenek datuak erabili zituzten; irten nahi zutenek, berriz, gezurrak. Jada Italian, Estatu Batuetan, Hungarian eta beste hainbat lekutan ikusten ari gara hauteskundeak irabazten dituztenak gezurrak esaten dituztenak direla, eta ez datuak erabiltzen dituztenak.
Mayk Bruselari aurkeztu dion proposamena onartezina da. Batasunetik irten nahi du, berak nahi duena egiteko, baina aldi berean Europako merkatu bakarrerako sarbideari eutsita. Hori ezin da horrela izan, horrek lelo aurpegiarekin utziko lituzke europarrak.
Mayk badaki kontzesio gehiago egin beharko dituela Europako Batasunarekin akordioa lortu nahi badu. Agian horregatik eman ditu orain argitara agiri horiek akordiorik gabe Batasunetik irtetzak izango lituzkeen arriskuez ohartarazteko, eta Brexit “gogorraren” aldekoek, akordiorik gabeko irteera defendatzen dutenek, gogoeta egin dezaten.
Zure interesekoa izan daiteke
AEBk aireko erasoa egin du Venezuelan
Hainbat leherketa entzun dira larunbat goizaldean Caracasen, baina orain arte ez dute xehetasun gehiagorik eman. Venezuelak Donald Trump AEBko presidentearen Gobernuaren "mehatxuak" salatu ditu, Kariben egindako hedapen militarragatik eta lurreko erasoen ohartarazpenengatik.
AEBk Venezuelako hainbat puntu bonbardatu ditu, Caracas barne
CBSk jakinarazi du Trumpek erasoak agindu dituela eta jopuntuen artean Venezuelako base militarrak daudela. Maduroren Gobernuak Washingtonek Karibeko herrialdearen aurka egindako "eraso militar larria" salatu du.
6,5 graduko lurrikara batek Mexiko erdialdea astindu du
Hegoaldeko Guerrero estatuko kostaldean izan du epizentroa lurrikarak, Ozeano Barean, baina astindua herrialdeko hainbat hiritan antzeman dute, Mexikoko hiriburua barne. Oraindik ez dute kalte material edo pertsonalik jakinarazi.
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.