Europar Batasuneko 19 herrialdek Guaido babestu dute adierazpen bateratu batean
Espainiak eta Europar Batasuneko beste 18 herrialdek Juan Guaido Venezuelako Batzar Nazionaleko presidentea aitortzeko eta babesteko adierazpen bateratu bat sinatu dute astelehen honetan, “presidentetzarako bidezko hauteskunde libre eta demokratikoak deitzeko” helburuarekin.
Espainia, Portugal, Alemania, Erresuma Batua, Danimarka, Herbehereak, Frantzia, Hungaria, Austria, Finlandia, Belgika, Luxenburgo, Txekiar Errepublika, Letonia, Lituania, Estonia, Polonia, Suedia eta Kroaziak sinatu dute adierazpena.
“Nicolas Madurok hauteskunde prozesua martxan ez jartzeko erabakia” hartu duela ikusita, ekimena babestu dute sinatzaileek. EBko 28 estatu kideren izenean hauteskundeak deitzea eskatu zion Federica Mogherini Atzerri Politikarako eta Segurtasunerako goi ordezkariak Madurori.
EBko 9 herrialdek, aldiz, ez dute adierazpen bateratua babestu. Presidentetzarako hauteskunde demokratikoak deitzeko legezko prozedura “zortzi eguneko epe baten barruan” martxan jartzea eskatu zioten EBko zenbait estatuk Madurori urtarrilaren 26an.
Madurok “hauteskunde prozesua martxan ez jartzeko erabakia hartu duela gogoan hartu dugu”, azaldu dute adierazpen bateratuan. Ondorioz, “Venezuelako Konstituzioaren arauekin ados, Juan Guaido babesten eta aitortzen dugu” Venezuelako behin-behineko presidente gisa, “bidezko hauteskunde libre eta demokratikoak deitzeko helburuarekin”.
Bestalde, Venezuelako krisia konpontzen saiatzeko herrialde ezberdinek proposatutako ekimenekin bat egingo ez duela iragarri du NBEk, Antonio Guterres idazkari nagusiak jakitera eman duenez.
Hala ere, Venezuelako Gobernuari eta oposizioari egindako bitartekaritza eskaintza propioa mahai gainean mantenduko du Nazio Batuen Erakundeak, Guterresek kazetarien aurrean azaldu duenez.
Azkenik, “bere agindu konstituzionalaren markoan, atzerapenik gabe” prozesu “politiko eta baketsu” bat martxan jartzea eskatu dio Eusko Jaurlaritzak Juan Guaidori, bere burua “behin-behineko presidente” izendatu zuenari, herrialdea hauteskundeetara eramateko.
Venezuelak bizi duen egoerarekin “kezka handia” azaldu du EAEko Exekutiboak agiri batean. Irtenbide “demokratiko, legal, bidezko eta baketsu” baten aldeko apustua berretsi du Jaurlaritzak.
Iragan maiatzeko hauteskundeek “zilegitasun demokratikorik” ez zutela uste du Eusko Jaularitzak. Horregatik, Batzar Nazionalari “erabateko babesa” adierazi dio, “Venezuelako herriaren ordezkari demokratiko legitimoa delako”, baita erakunde horretako presidenteari ere.
“Une oro Venezuelako herriaren segurtasuna eta ongizatea aurretik jartzeko” eskatu du Eusko Jaularitzak.
Albiste gehiago mundua
AEBko kongresuak Trumpen zerga-plan "handi eta ederra" onartu du
Zerga-plan berria herrialdeko azken urteetako zerga-murrizketarik handienetako bat da. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.
Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.
Askatasunaren Flotillak Netanyahu salatu du Auzitegi Nazionalean, itsasontzi humanitarioa abordatzeagatik
Sergio Toribio aktibistak jarri du kereila, eta azaldu duenez, nazioarteko uretan bahitu eta Tel Avivera eraman zituzten, legearen kontra.
Sutea izan da Greziako Kreta uhartean, eta 5.000 pertsona baino gehiago etxetik irtenarazi dituzte
Nektarios Papadakis Ierapetra udalerriko alkateordearen arabera, sugarrek inguruko hainbat etxe kiskali dituzte. "Kalte handiak izan ditugu", azpimarratu du Papadakisek. Gaineratu du suak basoak eta olibondo-sailak ere erre dituela. Orain arte, kostaldeko bost herri hustu behar izan dituzte.
Erasoen amaiera, soldadu israeldarrak Gazatik ateratzea eta laguntza banaketa bermatzea nahi du Hamasek, su-eten akordioa babesteko
Palestinako erresistentzia erakundeak adierazi duenez, "erantzukizun handiarekin" ari da lanean Israelgo Armada Zerrendaren aurka egiten ari den "erasoa bukatzea" lortzeko.
Tibeteko budismoa Dalai Lamaren ondorengoa izendatzeko prestatzen ari da, Txinaren oposizioarekin
Dalai-lamaren oinordea aurkitzea erritual konplexu bat da. Liderraren heriotzaren ondoren, lama garaiek haren berreragiztatzea bilatzen dute bere heriotzaren datatik gertu jaiotako haurren artean. Txinako agintariek "urrezko hautestontziaren zozketaren prozedura" errespetatzea eskatzen dute.
