Mundu osoko ikasleak kalera atera dira, aldaketa klimatikoari aurre egiteko eskatuz
Klima aldaketari aurre egiteko premiazko neurriak exijituz, ikasleak kalera atera dira mundu osoan, 'Youth for Climate' mugimenduak deituta.
'Friday for Future' goiburupean, grebara jo dute eta mobilizazioak egin dituzte ehun bat herrialdeetako hirietan.
Greta Thunberg 16 urteko ikasle suediarrak sortu zuen mugimendua 2018ko abuztuan. Hauteskundeen bezperan, herrialde horretako Parlamentuaren aurrean elkarretaratzea egin zuen aldaketa klimatikoari aurre egiteko neurri eraginkorrak eskatuz, eta denborak aurrera egin ahala, ekimen horrek indarra hartu du eta nazioartera zabaldu da.
Berez, ikasleei zuzendutako mugimendua da, baina helduek ere bertan parte hartzeko aukera dute.
Greta Thunberg gaztea Stockholmeko manifestazioan izan da gaur. "Krisi existentzial baten aurrean gaude, gizakiak inoiz izan duen arazorik larrienaren aurrean", ohartarazi du.
Krisi hau gazteek eragin ez dutela, baina, hala ere, arazo honekin bizi beharko dutela salatu du. Alabaina, "ez dugu horrelakorik onartuko; greba egin dugu etorkizuna izan nahi dugula eta borrokan jarraituko dugu", azpimarratu du.
(Adelaidan egindako manifestazioa. Argazkia: EFE)
Mobilizazioak nazioarteko ehunka hiritan egin dituzte, lelo eta goiburu ezberdinekin, baina kasu guztietan ideia nagusi bat azpimarratuz: klima-aldaketari aurre egiteko baliabideak lehenbailehen jartzea ezinbestekoa dela.
"Ez dago B planetarik", oihukatu dute Lisboan. Lausanan (Suitza), ostera, agintariei zuzendu zaizkie: "Politikari, kondenatuta zaude, gazteria kalera atera da".
Berlinen, Vienan edo Venezian ondoko mezuak entzun dira: "Aldatu politika, eta ez klima"; "Hobe gizakiak jarrera aldatzea, klima aldatzea baino"; "Oraindik garaiz gaude!".
Madrilen, Diputatuen Kongresuaren aurrean egin dute "bizitzaren aldeko" bilkura. Milaka ikasle elkartu dira.
Eslovenian, gazteek klima-aldaketari aurre egiteko neurri zehatzak biltzen dituen zerrenda bat prestatu dute eta dokumentua Gobernuari helaraz diote.
New Delhin –kutsadura mailarik altuena duen hirietako bat-, Raza izeneko gazte batek ondokoa adierazi dio EFE agentziari: "Aldaketa klimatikoaren harira kontzientziak aldatzeko gaude hemen. Jainkoak Lurrean bizitzeko aukera eman digu eta gure ardura da garbi mantentzea".
"Gaur ez gara klasera joan, ikastetxeak itxaron dezakeelako, baina aldaketa klimatikoak ez", nabarmendu du Atlas Sarrafogluk. 11 urte ditu eta Istanbuleko protestaren sustatzaileetako bat da.
(Hong Kongen egindako bilkura. Argazkia: EFE)
Afrikan ez dute greba deialdirik egin, baina ehunka mobilizazio izan dira, Kenyan, Hegoafrikan, Maurizion eta Ugandan, esaterako.
Nairobin, manifestariak Karura basora joan dira. Erdigunean baso bat duen munduko hiri bakarra da. "Klima-aldaketaren eraginez gehien kaltetutako herrialdea da Kenya, baina, hala ere, konturatu gara inork ez duela ezer egiten hemen", deitoratu du Niko Berghmans 16 urteko mutilak.
Ugandan, sare sozialen bidez egin dute mobilizaziorako deia, "Garaitu plastikoari, polietilenoari eta kutsadurari" bezalako leloak zabaldu.
Hegoafrikan, manifestariek politika energetikoa berehala aldatzea exijitu dute. Munduan biztanle kopuru handiena duen 25. estatua da eta karbono-dioxido gehien isurtzen duen 14.ena.
(Lurmutur Hirian egindako manifestazioa. Argazkia: EFE)
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".