POLEMIKA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Aita santuak Amerikaren konkistagatik barkamena eskatu zuela adierazi du Vatikanoak

Lopez Obrador Mexikoko presidenteak aita santuari gutuna bidali diola ziurtatu du, Mexikoren konkistagatik barkamena eskatu dezan. Vatikanoak ez du baieztatu gutuna jaso duen ala ez.
Frantzisko aita santua
Frantzisko aita santua artxiboko irudi batean. EFE
author image

AGENTZIAK | ERREDAKZIOA

Azken eguneratzea

Andres Manuel Lopez Obrador Mexikoko presidenteak Felipe VI.a Espainiako erregeari eta aita santuari Mexikoren konkistagatik barkamena eskatzeko eskaria egin ondotik sortutako polemikaren auzian, Vatikanoa izan da hitz egiten azkena. Gutunaren inguruko aipamenik egin gabe, aita santuak iraganean barkamena eskatu zuela nabarmendu du.

Vatikanoko iturriek ez dute baieztatu Lopez Obradorren gutuna jaso duten ala ez. Dena dela, iraganean aita santuek Amerikaren konkistari buruz "modu argian" hitz egin dutela azpimarratu dute.

2015eko uztailean Boliviara egindako bisitan, Frantzisko aita santuak barkamena eskatu zuen Elizak Ameriketako berezko (natibo) herrien aurka egindako krimenengatik. "Bekatu asko eta larriak egin dira Ameriketako jatorrizko herrien aurka, Jainkoaren izenean. Barkamena eskatzen dut apalki, Elizak egindako irainengatik ez ezik, Amerikaren konkistan jatorrizko herrien aurka egindako krimenengatik", adierazi zuen orduko hartan.

Latinoamerikako lehen aita santuak Latinoamerikan egindako adierazpen horiek oihartzun handia izan bazuten ere, ez zen kolonizazioaz hitz egiten lehena izan. 1992ko urrian, Santo Domingora egindako bisitan, Juan Pablo II.a aita santuak barkamena eskatu zien Ameriketako herriei euren arbasoen aurka egindako bidegabekeriengatik.

"Elizak, 500 urte hauetan zuen bidelagun izan denak, bere esku dagoen guztia egingo du Ameriketako jatorrizko herrien ondorengoek dagokien postua bete dezaten bai gizartean eta baitan Elizaren baitan ere", esan zuen.

Espainiako eskuinak eta Gobernuak Mexikoko presidentearen eskakizuna gaitzetsi dute
Lopez Obradorrek barkamena eskatzeko galdegin die Felipe VI.ari eta aita santuari
Munduko albisteak Mexiko Frantzisko aita santua Eguneko Titularrak Eliza Katolikoa Latinoamerika

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X