Netanyahuk alde txikiarekin irabazi ditu Israelgo hauteskunde legegileak
Israelen, Benjamin Netanyahu Israelgo lehen ministroaren Likud alderdiak alde txikiarekin irabazi ditu bart herrialdean egin diren hauteskunde legegileak, Benjamin Gantz Armadako buruzagi ohiaren Urdina eta Zuria zentro-ezkerreko koalizioaren aurretik.
Botoen % 99 zenbatuta (3,9 milioi boto baino gehiago) Hauteskunde batzorde zentralak zabaldutako datuen arabera, Likud alderdiak botoen % 26,47 eskuratu du eta Urdina eta Zuria koalizioak, ostera, botoen % 26,11.
Parte-hartzea % 67 ingurukoa izan da (4.016.310 boto), 2015eko hauteskunde legegileetan baino ia lau puntu gutxiago, Times of Israel hedabideak jakinarazi duenez.
Netanyahuk zein Gantzek garaipena aldarrikatu dute. Parte-hartze txikiak jardunaldia markatu du. Bestalde, Likudek kamera ezkutuak eman dizkie bere boluntarioei gehiengo arabiarreko hauteslekuetan, eta horrek ere hautsak harrotu ditu.
Goizaldean, alderdikideen eta jarraitzaileen aurrean Tel Aviven egin duen ekitaldian, "garaipen sinestezina" eskuratu duela esan du Netanyahuk. Gaineratu duenez, "lorpen izugarria" da, "ia pentsaezina".
Gantzek, bere aldetik, Israelgo herritarrek hitz egin dutela azpimarratu du. "Eskerrik asko milaka aktibistei eta milioitik gora boto-emaileei", adierazi du. "Hauteskunde hauetan irabazle argi bat izan da. 'Bibi'k (Netanyahuren izengoitia) 40 eserleku hitzeman zituen eta nagusitasunez galdu du", amaitu du.
Horrela, Gobernua nork osatu dezakeen ez dago argi. Hala ere, litekeena da eskuinak Netanyahu babestea.
Zure interesekoa izan daiteke
Iranek ziurtatu du AEBko beste ehiza-hegazkin bat eraitsi duela, herrialdearen erdialdean
AEBko agintariek ez dute, oraingoz, gaiari buruzko adierazpenik egin; hala ere, lehen hegazkinetik tripulatzaileetako bat erreskatatu dutela ziurtatu dute.
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.