Salvini epaitua izan ahalko da 'Open Arms'en lehorreratzea atzeratzeagatik
Italiako Senatuak Matteo Salvini Ligako liderraren eta Barne ministro ohiaren immunitatea kentzearen alde bozkatu du ostegun honetan, migratzaileen aurkako ustezko abusuengatik auzipetu dezaten 2019ko abuztuan 'Open Arms' GKEren ontziak erreskatatutako migratzaileen eta errefuxiatuen lehorreratzea atzeratzea erabakitzeagatik.
Salviniren immunitatea berresteko proposamenaren inguruko bozketa atzera bota dute Senatuan, kontrako 149 botorekin eta aldeko 141ekin, Italiako La Repubblica egunkariak jakinarazi duenez.
Horri erantzunez, Salvinik Twitter sare sozialean duen kontuaren bidez "koldarren, kontrabandisten eta besaulkia duintasunaren gainetik nahiago dutenen" aurka jo du. "Harro nago Italia babestu izanaz: berriro egingo nuke, eta berriro egingo dut", adierazi du.
Hala, azpimarratu duenez, "uztail honetan lehorreratzeak duela urtebeteko epe berekoak baino sei aldiz handiagoak dira, Liga Gobernuan dela". "Burua altu eta kontzientzia lasai dut, eta seme-alabei begietara begiratuko diet, nire betebeharra ausardiaz eta zentzuz bete dudalako", gaineratu du.
Gertaerak 2019ko abuztuan izan ziren, Salvini Barne ministro zenean. Espainiako 'Open Arms' gobernuz kanpoko erakundearen salbamendu ontziak erreskatatutako dozenaka migratzaileen lehorreratzea atzeratzea erabaki zuen Barne ministroak.
Kasuko fiskalen arabera, Salviniren jarduera itsasontzi batean pertsonak bahitzea izan daiteke. Barne ministro ohiak esan duenez, Europar Batasuna Italiako kostaldera iritsitako errefuxiatuen eta migratzaileen zama partekatzera behartzeko modu legitimoa zen.
Otsailean, Senatuak argi berdea eman zien Salviniren aurkako zigor prozedurei, Italiako kostazaintzako 'Gregoretti' itsasontzian zeuden 131 migratzaileren lehorreratzearen atzerapenari buruzko antzeko kasu batean. 'Gregoretti'ko migratzaileen lehorreratzearen epaiketa urrian izango da.
Albiste gehiago mundua
Global Sumud Flotilla Bartzelonako portuan da, janari eta sendagaiekin Gazara abiatzeko prest
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.