Euskal esploratzaile batek Alexandro Handiak egindako bi hiri aurkitu ditu Pakistanen
Miguel Gutierrez-Garitano Gasteizko esploratzaileak Alexandro Handiak sortutako bi hiri galduren hondarrak izan daitezkeenak aurkitu ditu Pakistanen. Era berean, tumulu bat aurkitu du, konkistatzaile mazedoniarraren Buzefalo zaldiaren gorpuzkiak gordetzeko egindakoa izan litekeena.
Apirilaren amaieran Punjabera (Pakistan) egindako bidaian aurkitu ditu gasteiztarrak Alexandria Nicaea eta Alexandria Bucefala hiriak izan daitezkeenak.
Gutierrez-Garitanok urteak daramatza Kristo aurreko IV. mendean Alexandro Handiaren eta Poros erregearen artean izan zen Hidaspesko gudua aztertzen. Bidaia esploratzailea presidente duen La Exploradora Geografia Elkartearentzat diseinatutako gatazka honi buruzko prestakuntza proiektu baten parte da.
Ikerlan batzuk egiten ari zenean, esploratzaileak adobezko horma bat aurkitu, eta horren ezaugarriak ikusita, ikerketa abiatu zuen. Ikerketa horiei esker, Alexandria Nicaea eta Alexandria Buzefaloa hiriak izan daitezkeenak aurkitu zituen, baita mazedoniar konkistatzailearen Buzefalo zaldi ospetsuaren hondakinak gordetzeko tumulua ere.
Gutierrez-Garitanok azpimarratu duenez, hipotesi hori baieztatu ala ez, aurkitutako aztarnategiak "balio handia" du, eta, horregatik, Pakistango Gobernuarekin harremanetan jarri da, babesten saiatzea eskatzeko.
Era berean, UNESCOrekin harremanetan jartzeko asmoa du, nazioarteko erakundea aurkitutako lekuak zaintzeaz arduratu ahal den jakiteko.
Miguel Gutierrez-Garitanok bi hiri galduren hondarrak izan daitezkeenak aurkitu ditu Pakistanen. Argazkia: EFE
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.