Errusiak EBren zigorrei egotzi die gas mozketa, eta ohartarazi du prezioek gora egiten jarrai dezaketela
Europar Batasunaren (EB) kritikei aurre egin die Errusiak igande honetan, Nord Stream gasbidearen bitarteko gas mozketaren harira. Adierazi du Mendebaldearen zigorrak eta jokabidea dituela iturburu neurri horrek, eta ohartarazi du are gehiago igo litezkeela hidrokarburoaren prezioak.
Rossia-1 kate publikoko "Mosku.Kremlin.Putin" saioan, Dmitri Peskov Kremlineko bozeramaileak eta Alexander Novak energia kontuetako arduradunak esan dute Nord Stream gasbidearen bidezko gas iragatearen etenaldia ez dela Gazpromen errua.
Gas enpresa errusiarrak ostiralean iragarri zuen erabat etengo zuela Alemania bitarteko Europarako gas jarioa, martxan zegoen gas geltoki bakarreko turbina batean aurkitutako olio isuria zela eta. "Aitzakia faltsuak" erabili izana leporatu dio EBk Errusiari, eta esan du ez dela hornitzaile fidagarria.
"Europarrek euren tresneria ez konpontzea erabakitzen badute kontratuaren arabera konpondu behar dutenean, hori ez da Gazpromen errua, zigorrei buruzko erabakiak hartu zituzten politikarien errua baizik", nabarmendu du Peskovek.
"Bai Kanadak, bai Europar Batasunak zigorrak ezarri zizkioten aipatutako tresneriari eta, hortaz, euren ekintzak bat etorri beharko dira kontratuko baldintzekin, ekipo horrek martxan jarrai dezan", adierazi du Novakek.
Siemensek Kanadako instalazioetan konpondutako turbinetako bat Alemaniara itzuli ahal izan zuten zigorrak gorabehera, baina oraindik ez da Errusiara iritsi, tresna murrizketa pean ez dagoela frogatuko duten berme legalak eskatu baititu Moskuk.
Novakek, Peskovek bezalaxe, ez du baztertu Europan gasaren prezio igoera gehiago izateko aukera, merkatu energetikoa "kolapsora" eramaten duten EBren politika "miopeak" bitarteko.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.