Militar frantsesak "modu ordenatuan" aterako direla Nigerretik iragarri du Macronek
Emmanuel Macron Frantziako presidenteak igande honetan iragarri duenez, "hemendik urte amaierara arte militar frantsesen irteera ordenatua" egongo da Nigerren. Une honetan 1.500 soldadu inguru daude bertan.
Uztailean Mohamed Bazoum presidentea boteretik kendu eta herrialdearen buru junta militar bat jarri zen, estatu-kolpea emanda.
TF1 eta France 2 kateei eskainitako elkarrizketa batean, Macronek adierazi zuen Frantzia "beti" prest egongo dela Afrikari laguntzeko terrorismo jihadistaren aurkako borrokan, betiere demokratikoki hautatutako gobernuek edo eskualdeko erakundeek eskatuta. "Amaitu da Frantzia-Afrika (kontzeptu geopolitikoa), estatu-kolpeak daudenean ez dugu esku hartzen", esan du.
2022az geroztik, Nigerren zeuden Barkhane operazio anti-jihadistan parte hartutako hainbat miltar frantses. Malitik joan zien bertara, boterean zegoen junta militarrak -Errusiaren aliatuak- erabat baztertu baitzuen Frantziak bere lurraldean presentzia izatea. "Han izan gara Nigerrek eskatu zigulako, Burkina Fasok, Malik, beren lurraldeetan terrorismoari aurre egiten laguntzeko. Orain, herrialde horiek estatu-kolpeen biktima izan dira. Gaur bertan hitz egin dut Bazoum presidentearekin, anbizio handiko erreformak egiten ari zelako atxilotuta dagoenarekin", zehaztu du Macronek.
"Frantziak Nigerrekin duen lankidetza militarrari amaiera ematea erabaki du" azaldu du. Frantziako estatuburuak aurreratu duenez, "datozen orduetan" Frantziak Nigerren duen enbaxadorea Parisera itzuliko da.
Niamey hiriburuan, Ouallamen, iparraldean, eta Ayoroun, Maliko mugatik gertu, daude banatuta Frantziako militarrak.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.