Fukushimako hondamendia jasan arren, Japoniak energia nuklearraren ituna babestu du
Energia nuklearra zeharo gehitzearen aldeko ituna sinatu duten herrialdeen artean Japonia dago, nahiz eta Fukushimako istripu larria jasan zuen. Alemaniak, ostera, munduko herrialde nagusiek izenpetu duten itun honetatik kanpo geratzea erabaki du.
Bitxia da Japoniak itun hau sinatu izana, kontuan hartuta hondamendi nuklearra jasan zuela. 2011ko martxoaren 11n, lurrikara indartsu batek eragindako tsunamiak urez bete zuen Fukushimako zentral nuklearra, eta horrek leherketa eragin zuen bertako bi errektore nuklearretan. Leherketa horiek eragin zituzten ondorio larriek gaur arte iraun dute. Hondamendi horren ostean, Japoniak gainerako zentral nuklear guztiak ixtea erabaki zuen. Baina orduko erabaki hori zalantzan jarri du orain Tokiok, gaur energia nuklearra mundu osoan era masiboan handitzeko 20 bat estatuk Dubain adostutako agiriarekin bat eginez.
Fukushimako hondamendiak energia nuklearraren aurkako mugimendua indartu zuen Alemanian (Berdeak alderdiak indar handia du bertan), eta 2022. urterako zentral nuklear guztiak ixtea erabaki zuten.
Ostera, Frantzia munduko herrialde nuklear biziena bihurtu da. AEBk ekoizpen nuklear handiagoa du, baina Frantziak beste edozein herrialdek baino proportzio handiagoan lortzen du energia bide horretatik. Frantziako elektrizitatearen bi heren nuklearren bidez ekoizten dute. Gainera, horrela lortutako energia gehien esportatzen duen herrialdea da.
AEBren eta Frantziaren ostean, Txina da zentral nuklearren bidez elektrizitate gehien ekoizten duen herrialdea.
2021ean, munduan zehar sakabanatutako 441 erreaktore nuklearrek mundu osoko elektrizitatearen % 10 inguru sortu zuten. Energia nuklearra merketzat jotzen da, zentral atomiko bat eraikitzeak duen kostu handia ordaindu eta gero.
Energia atomikoak ez du isurtzen negutegi eragina duen gasik, baina arazo larri bat sortzen du: zer egin hondakin nuklearrekin, horien erradioaktibitateak ehundaka urte irauten baitu.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.