Haitiko Gobernuak larrialdi egoera eta etxeratze-agindua ezarri ditu, indarkeria oldea dela eta
Haitiko Gobernuak larrialdi egoera eta etxeratze-agindua ezarri ditu datozen 72 orduotarako Port-au-Prince hiriburuan eta mendebaldeko hainbat eskualdetan izaten ari den indarkeria oldea dela eta. Gaizkile-taldeek Gobernuaren kontra kalean egindako indarkeria ekintzei, azken egunotan bi espetxetan izandako erasoak gehitu zaizkie, eta horrek egoera are gehiago nahastu du. Ariel Henry lehen ministroaren dimisioa eta hauteskundeak berehala deitzea exijitzen dute taldeok.
Agiri bat kaleratu du Haitiko Gobernuak, "segurtasuna eta kontrola berreskuratzeko" hartu dituzten erabakien berri emanez. Bertan zehazten denez, astelehenean, asteartean eta ostegunean 18:00etatik 05:00etara egongo da ezarrita etxeratzeko agindua. Neurri hori ez zaie aplikatuko zerbitzua ematen ari diren poliziei, suhiltzaileei, anbulantzietako gidariei, osasun-langileei eta kazetariei.
Ariel Henry Haitiko lehen ministroaren ordezko lanak egiten ari den Patrick Michel Boivertek izenpetu du larrialdi egoera deitzeko agindua. Haren hitzetan, emandako agindua betetzen ez duten herritarrak berehala atxilotzeko mandatua helarazi zaie polizia indarrei.
Bereziki, Port-au-Prince inguruan areagotu dira indarkeria ekintzak azken egunotan. Bahiketak, hilketak edota lapurretak egotzi dizkiete gaizkile-taldeei Haitiko agintariek.
Testuan, Capitale eta Croix des Bouquets espetxeetan izandako erasoak nabarmendu dituzte, funtzionarioak eta poliziak hil zituztela esanez. 3.000 presok baino gehiagok ihes egin zutela eta "herrialde osoaren segurtasuna arriskuan" dagoela gehitu dute.
Albiste gehiago mundua
Erresuma Batuak nortasun agiri digitala sortu du legez kanpoko immigrazioa geldiarazteko asmoz
Gaur egun, herrialdeak ez du nortasun agiri nazionalik, eta herritarrak pasaportearekin, gidabaimenarekin edo bestelako egiaztagiriekin identifikatzen dira. Lan egiteko edo etxebizitza alokatzeko nahitaezkoa izango da erakustea, legez kanpoko immigrazioa eragozteko helburuarekin.
Netanyahuk esan du Israelek "lana amaitu" behar duela Gazako Zerrendan
Israelgo lehen ministroa hitz egiten hasi denean, aretoa ia hutsik geratu da. Netanyahuk azpimarratu du ez duela Palestinako Estatua onartuko: "Erokeria da, ez dugu egingo".
Washington hiriburuan heriotza-zigorra berrezartzeko agindu exekutiboa sinatu du Donald Trumpek
Donald Trump AEBko presidenteak Washington hiriburuan heriotza-zigorra berrezartzeko eskatu dio Pam Bondi fiskal nagusiari, "aplikatu beharreko faktoreak" betetzen dituzten kasu guztietan. AEBko hiriburua astintzen ari den ustezko "kontrolik gabeko krimena"ri aurre egiteko neurri bat dela adierazi du Trumpek.
'Furor' ontzia Cartagenatik abiatu da, Gazara doan ontzidiari laguntzeko asmoz
50 pertsona inguru doaz ontzian, eta, besteak beste, kanoi bat eta bi metrailadore daramatza. Aurreikuspenen arabera, lau egun beharko ditu Global Sumud Flotilla osatzen duten ontziengana iristeko.
Trump: "Ez dut onartuko Israelek Zisjordania anexionatzea. Nahikoa da"
Nazioarteko Justizia Auzitegiak ebatzi zuen Zisjordaniaren okupazioa legez kanpokoa dela. Datorren astelehenean Trumpek Netanyahu hartuko du Etxe Zurian.
Lointek Gernikako presidenteak adierazi du ez dutela Israelgo talde baten aurka jokatuko
Gerardo Candinak aurreratu duenez, Bizkaiko taldeak ez ditu Elitzur Ramlaren aurkako partidak jokatuko, Gernikako klubak "Gazako genozidio basatia" gaitzesten duelako, baina zuzendaritza batzordeak hurrengo egunetan baloratuko du behin betiko erabakia.
AEBko Justiziak "testigantza faltsua eta justizia oztopatzea" egotzi dio FBIko zuzendari ohiari, Trumpen presioen ostean
Ameriketako Estatu Batuetako Justiziak karguak aurkeztu ditu James Comey FBIko zuzendari ohiaren aurka, Russiagate auzia argitzeko prozesuan lekukotza faltsua ematea eta oztopoak jartzea egotzita.
Israel txapelketatik kanpo uztea aztertzen ari dira UEFA eta FIFA
Futbolaren erakundeek bozketa bat deitzea aztertzen ari dira, Gazako egoeragatik Nazio Batuek Israel baztertzeko eskatu ondoren.
Sarkozy: "Espetxean lo egin dezadala nahi badute, espetxean egingo dut lo, baina ez dut burua makurtuko"
2007ko hauteskunde-kanpaina Libiako Muamar Gadafi erregimenaren diruarekin finantzatzeagatik bost urteko kartzela-zigorra jaso ostean, Nicolas Sarkozyk adierazi du zigor horrekin "Frantziaren irudia" zikindu dela.
Abbasek Israelen "genozidioa" salatu du NBEn, baina esan du Hamasek ez duela Gazan lekurik izango
Palestinako presidenteak bideokonferentziaz hartu du parte batzarrean, AEBek New Yorkera joateko bisatua debekatu baitio. Hamasek dituen bahituak askatzea eta Gazara laguntza humanitarioa premiaz sartzea eskatu du, eta gatazka amaitu eta urtebetera hauteskundeak aurreikusten dituen plan bat bat aurkeztu du.