Alemaniako kontserbadoreek eta sozialdemokratek gobernua osatzeko akordioa lortu dute
Kontserbadoreek eta sozialdemokratek Alemanian koalizio gobernua osatzeko akordioa lortu dute, hauteskunde orokorrak egin eta hilabete eta erdira eta 27 egunez negoziatu ondotik.
Itxura guztien arabera, Friedrich Merz hurrengo kantzilerra izango denak 15:00etarako deitu ditu hedabideak Batasun Kristau Demokratak (CDU) Batasun Sozial Kristauarekin (CSU) eta Alderdi Sozialdemokratarekin (SPD) lortu duen akordioaren xehetasunak azaltzeko. CDU eta CSU alderdiek osatutako bloke kontserbadoreak irabazi zituen otsailaren 23ko hauteskundeak, AfD eskuin muturreko alderdiaren eta SPDren aurretik.
Atzo hainbat hedabidek akordioa itxita zegoela aurreratu bazuten ere, gaur goizean adostu dituzte zerga-politikari buruzko azken xehetasunak.
Bild egunkariak zabaldutako informazioaren arabera, SPDk Defentsa Ministerioari eutsiko dio eta Finantza eta Justizia Ministerioak ere bere gain hartuko ditu.
Kontserbadoreek Barne Ministerioaren ardura izango dute, eta 1966tik lehen aldiz, baita Atzerri Gaietarako kartera ere.
Politico hedabideak berri eman duenez, CDUk sei ministerio eta kantzilerra izango ditu; SPDk, sei ministerio, eta CSUk, hiru.
Muga-zergen ondorio ekonomikoek eta burtsen beherakadak bultzatuta, bloke kontserbadoreak (CDU eta CSU) eta sozialdemokratek (SPD) negoziazioei biziago ekin diete. Halaber, SPD alderdiak kontsulta egingo die afiliatuei.
CDUk "kongresu txiki" bat egiteko asmoa du, akordioa onartzeko. CSUren kasuan zuzendaritzak dauka erabakitzeko gaitasuna.
Kontsulta horiek guztiak direla eta, Merz kantziler izendatzeko behe ganberan egingo den bozketa maiatzaren 6 edo 7ra arte atzeratuko da.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".