Errepublikanoek gehiengoari eutsi diote AEBko Kongresuko bi ganberetan
Donald Trump presidente aukeratzeaz gain, AEBko Kongresuko bi ganberetan (Ordezkarien Ganberan eta Senatuan) gehiengoari eustea lortu du Alderdi Errepublikarrak. Horrenbestez, agintaldia askoz ere erosoagoa izango da errepublikanoentzat, ez baitute traba handirik izango gogoko dituzten erabakiak hartzeko eta urte hauetan zehar Barack Obamak onartu dituen neurriak bertan behera uzteko.
Ameriketako Estatu Batuetako hauteskundeetan, errepublikanoek 235 jesarleku lortu dituzte AEBko Ordezkarien Ganberan, eta gehiengoari eustea lortu dute. Beste alde batetik, demokratek 191 ordezkari lortu dituzte ganbera horretan.
Hauteskundeak izan aurretik AEBko hedabideek egindako inkestek Ordezkarien Ganbera errepublikarren esku jarraituko zuela aurreikusi zuten. Arrazoi horregatik, Senatuaren kontrola errepublikanoen esku geratzea mingarriagoa izan da demokratentzat.
Alderdi Errepublikanoak 51 jesarleku lortu ditu Senatuan eta datozen urteotan Donald Trumpi agintaldi erosoa ahalbidetuko diote emaitza horiek. 2018ra arte, gutxienez, Alderdi Errepublikarren esku egongo dira AEBko Kongresuko bi ganbera horiek.
2017ko urtarrilaren 3an bilduko dira Kongresu berria osatzen duten ordezkari guztiak, baina datorren astetik aurrera bi ganbera horien norabidea zehazteko bilerak egingo dituzte. Beste alde batetik, Mitch McConnel senataria errepublikarren buru izaten jarraituko dela ziurtzat ematen da jada.
“Presidente errepublikar batek eta gehiengo errepublikanoa duten bi ganberek herrialde hau aldatzen lagundu dezakete”, nabarmendu du Roy Blunt senatariak.
Dena den, azken zortzi urteotan desadostasun ugari egon dira Etxe Zuriaren eta Kongresuaren artean. 2014an, demokratek bi ganbera horien babesa galdu zuten, eta Barack Obamak dekretuen bidez hartu behar izan zituen erabaki guztiak, inmigrazioaren erreforma sakona, besteak beste.
Alabaina, hauteskundeen emaitzek Ordezkarien Ganberaren eta Senatuaren artean adostasuna egongo dela iradokitzen dute. Dena den, Trumpek bere alderdikideen babesa lortu beharko du proposatutako neurri polemikoenak aurrera eraman ahal izateko.
n ahal izateko. n ahal izateko.Zure interesekoa izan daiteke
Trumpen ustez, 'irrigarria' da Errusiak lagundu egin ziola pentsatzea
Horrenbestez, ukatu egin du 'The Washington Post' egunkariak atzo argitaratutakoa, hots, Errusiak hauteskundeetan esku hartu izana.
Israel eta Palestinaren arteko bakea lortu nahiko lukeela dio Trumpek
Siriako gerraren inguruan "mundu guztiaren iritzia ez bezalakoa" duela esan du, eta 'alt-right' talde ultraeskuindarretik aldendu da.
Clinton:'Behin baino gehiagotan pentsatu dut kalera berriz ez irtetea'
Estatu idazkari ohiak ez du sentitzen duen "etsipen sakona" ezkutatu, faborito zen hauteskundeetan galdu eta gero.
Hauteskunde-kanpainan iragarritako asmoei garrantzia kendu die Trumpek
Hauteskundeak irabazi zituenetik lasaiago hitz egiten du hedabideen aurrean, eta diskurtsoa ere aldatu duela nabari daiteke.
Obama: 'Kezkatuta ote nagoen Trump dela eta? Erabat'
Jarduneko presidenteak esan duenez, Trumpen "izaeraren alde batzuk" ez zaizkio "lagungarriak izango" Etxe Zurian. Guantanamoren inguruan, esan du ezin izan duela espetxe "madarikatua" itxi.
Trumpek Stephen Bannon izendatu du estrategia buru
Etxe Zurian izango dituen aholkularien artean Stephen Bannon presidente berriaren estrategia burua izango da, askoren ustez eskuin mutur arrazistaren ordezkaria.
Trump, AEBko presidente zaharrena, Reaganekin batera
70 urterekin hartuko du kargua urtarrilaren 20an, eta berarekin horrenbeste konparatzen duten Ronald Reaganen lekukoa hartuko du presidente zaharrenaren tituluan. Gazteena Kennedy izan zen (45 urte).
Etxe Zurian izandako beste bilera
Michelle Obamak eta Melania Trumpek tea hartu eta "Etxe Zurian seme-alabak" hezteak ekartzen dituen arazoen inguruan hitz egin zuten. Ondoren, Trumpek esan du Melaniari asko gustatu zaiola Michelle.
Trumpen 10 asmo nagusiak
Mexikoko mugan harresi bat altxatzea, TPPa baztertzea edota klima aldaketaren borrokaren kontrako diru-laguntzak gutxitzea agindu du, besteak beste.
Trumpen aurka manifestatu dira bigarren egunez AEBko hainbat hiritan
Donald Trump presidente hautatu ondoren protesta manifestazioak izan dira hainbat hiritan, bigarren egunez. Jendetsuenak New York, Los Angeles eta Whasingtonen. Portlanden istiluak izan dira.