Bill Gates da munduko gizonik aberatsena berriz ere
Urtero eguneratzen den Forbes zerrendaren arabera, Bill Gates da berriz ere munduko gizonik aberatsena 76.000 milioi dolarreko ondarea baitu. Microsoften sortzaileak zerrendako lehenengo postua berreskuratu du, lau urteren ostean, Carlos Slim Mexikoko telekomunikazio enpresaria, 72.000 milioi dolarreko ondarearekin, bigarren postuan utzita. Ondorioz, Gatesek zerrendako lehen postuan jartzea lortu du azken 20 urteetako 15etan.
Hirugarren postua Amancio Ortega Inditex S.A. etxeko arropa-markak (Zara, besteak beste) kudeatzen dituen enpresari espainiarraren jabearentzat izan da, 64.000 milioi dolar metatu baititu. Warren Buffett inbertitzaile eta Berkshire Hathaway Inc.-ren zuzendariak laugarren postua lortu du, 58.200 milioi dolar bilduta. Bosgarren postua, berriz, Larry Ellison, Oracle Corp.-eko jabearentzat izan da (48.000 milioi dolarreko ondarea du).
Datu guztiak kontuan hartuta, mundu osoko 1.645 milioidunek osatzen dute zerrenda, eta guztira 6.4 bilioi dolarreko ondarea dute. Ameriketako Estatu Batuetan daude milioidun gehien: 492, hain zuzen.
Emakume milioidunen gorakada
Nahiz eta oraindik gizonak nagusi diren, emakume milioidunen kopurua ere goraka doa. Guztira 172 emakume daude zerrendan, zerrendako milioidun guztien % 10 inguru. Iaz 138 ziren.
Zerrendako lehen emakumea Christy Walton, Mal-Wart Stores Inc. enpresakoa da, eta bederatzigarren postua lortu du, 36.700 milioi dolarreko ondarea bilduta. Liliane Bettencourt, L’Oreal S.A. kosmetika etxeko arduradunak, aldiz, hamaikagarren postua lortu du, 34.500 milioi dolar batuta.
Internet munduko enpresen itzala
Web munduko enpresen eragina ere oso nabarmena da zerrendan. Larry Page eta Sergye Brin Google Inc.-ren sortzaileak 17. eta 19. postuetan daude, eta 32.300 eta 31.800 milioi dolarreko ondareak batu dituzte, hurrenez hurren. Jeff Bezos Amazon.com-eko sortzaileak, berriz, 18. postua lortu du, 32.000 milioi dolarrekin. Mark Zuckerberg Facebookeko sortzaileak 21. postua lortu du, 25.800 milioi dolarreko ondarea osatuta.
Zerrendako gainontzeko izen deigarriak
Michael Bloomberg New Yorkeko alkate ohiak 16. postua lortu du bere izena daraman komunikazio-enpresaren bidez. 33.000 milioi dolarreko ondarea du.
Bestalde, urteko galtzailerik handiena Eike Batista telekomunikazio enpresari brasildarra izan da. Horren aberastasunak 10.600 milioi dolarrera jaitsi dira, petrolio eta errekurtso naturalen blokeoak, produkzio-jaitsierak eta zorrak direla eta.
Zure interesekoa izan daiteke
Lehendakariak IBMren superordenagailu kuantikoa inauguratu du Donostian: "Ezkutuan dauden itsasoak aurkitzen lagunduko du"
Donostiako IBM Quantum System Two superordenagailu kuantikoa Europako lehena eta munduko hirugarrena da.
Albiste izango dira: Ordenagailu kuantikoa Donostian, Gazarako bake akordioa eta ikerketa batzordea Nafarroako Parlamentuan
Gaurkoan Orain-en albiste izango direnen laburpena, bi hitzetan.
Zer gertatuko da astearte honetan Windows 10ekin?
Windows 11rako migrazioari buruzko zalantza guztiak argituko ditugu, eta azalduko ditugu Windows 10 sistema eragilea erabiltzeko zer aukera daogen.
Perseverance roverrak Marteko krater batean aurkitutako arrastoen lagin batzuk aztertuko dituzte EHUn
Marten hartutako lagin batzuk jasotzeko Espainiar Estatuan hautatu dituzten bi laborategietatik bat EHUkoa da. Lagin horiek aztertuta, Marten bizitza egon den ala ez ondorioztatu ahal izango du Leioako kanpuseko laborategi horrek.
?fmt=webp-alpha&qlt=80)
NASAk iraganeko bizi zantzu posibleak aurkitu ditu Marten
Planetak inoiz bizitza izan ote zuen zehazteko, funtsezkoa izango da Perseverance roverrak bildutako laginak Lurrera ekarri eta xehetasunez aztertzea.
1 Formulako pilotuek LEGO piezekin egindako autoen erreplikekin desfilatu dute Miamin
Miamiko lasterketa hasi aurretik, 20 pilotuak LEGO piezekin egindako autoekin atera dira pistara. Auto bakoitza LEGOko 400.000 pieza inguru erabiliz eraikia da, eta taldeek benetako dekorazioa eta babesleak dituzte.
Benetan berreskuratu al dute otso erraldoia, ala espezie berria sortu dute?
Colossal Bioscience enpresak dio otso erraldoiaren otsokumeak direla Romulo, Remo eta Khaleesi. Hala ere, adituek diote horiek ez direla duela 10.000 urte desagertutako espezieko kumeak, genetikoki eraldatutako otso grisarenak baizik, otso erraldoiaren gene batzuekin sortuak.
Duela 13.000 urte desagertutako 'otso izugarria' berreskuratzea lortu dute
Colossal Biosciences konpainiak dioenez, espezie horretako bi kume sortzeko gai izan da, fosiletan aurkitutako DNAtik eratorritako aldaketa genetikoen bidez. Romulo eta Remo dute izena, eta sei hilabete dituzte.
Munduko iceberg handienak Hego Georgiako uhartearen parean hondoa jo du, hainbat urtez noraezean ibili ondoren
A23a munduko iceberg handiena eta zaharrena da, eta Hego Georgiako uharte subantartikotik —pinguinoen paradisua— 73 kilometro ingurura hondartu da, bost urtez noraezean egon ostean, 2020tik. Adituek aurreikusi dute itsasaldiaren eta olatuen eraginez apurtuko dela.
Huelvako dendari batek pistola batekin armatutako lapurra oihuka bota du saltokitik
Lepeko denda bateko segurtasun-kamerak grabatu du gertakari bitxia. Antza denez, saltzailea berehala ohartu da pistola plastikozkoa zela.