Andres Urrutia: 'Etorkinei gure kultura eskaini behar diegu'
Andres Urrutia Euskaltzaindiko presidentea 'Egun on Euskadi' saioan izan da Euskararen Eguna dela eta. Bertan esan duenez, etorkinak euskal kulturara erakartzeko ahalegin berezia egin nahi dute aurten, "aberastasuna guztion artean eraiki behar delako".
Euskararen Eguna ospatzeko, Linguae Vasconum Primitiae liburua 11 hizkuntzatan irakurriko dute Eusko Legebiltzarrean: "Uste dugu hori dela euskara hurbiltzeko modu bat". Batetik, katalana eta galegoa, "gure inguruan aritu diren hizkuntzak", entzun ahal izango dira, Urrutiaren hitzetan. Bestetik, txinera, errumaniera, arabiera eta kitxua, besteak beste, ere presente izango dira. "Euren kulturak ekarri dizkigute, guk ere gure kultura eskaini behar diegu", esan du.
"Euskara urruti dutenei mezua zabaldu behar diegu, hizkuntza erabili dezaten", azaldu du. Nola gainditu etorkinen beldurra euskararekiko? Lekuaren arabera. "Ondarroan, adibidez, erraz euskaldundu egiten dira. Beste toki batzuetan, baina, laguntza gehiago behar dute". Bestalde, Euskaltzaindiko presidenteak etorkinei keinuak egitera gonbidatu ditu euskaldunak "gurea zabaltzeko".
Administrazioarekin zein justiziarekin bide luzea omen dago egiteko, "beldurrak" jarraitzen duelako. Betiere, "etxekoa, lagun artekoa" ahaztu gabe, bestela "desoreka" sortuko litzateke. Zailtasunak gainditzen ari gara, baina horrelako prozesu sozialak ez omen dira goizetik gauera lortzen.
Andres Urrutia Euskaltzaindiko presidenteak Durangoko Azoka aipatu du, euskal kulturaren pizgarri baita: "Espero dezagun krisialdiaren eta kontsumoaren beherapenaren gainetik, euskara eta euskal kultura gailentzea". Halere, euskara urte osoan zehar erabili behar dela nabarmendu du.
Jean Haritschelar ere gogoratu du Euskaltzaindiko presidenteak, eta "euskararen zalduna" zela esan du. "Gure errealitatetik euskararen alde egin zuen", adierazi du, eta horregatik omenaldi beroa egingo diote Euskararen Egunean. Horren harira esan duenez, Iparraldean "asko" dago egiteko, eta, euskararen ofizialtasuna behin eta berriz eskatu duten arren, horrek "ez ditu arazo guztiak konponduko". "Jarraituko dugu borrokan eta lanean", aitortu du, "politika guztien gainetik" dagoelako euskara.
Zure interesekoa izan daiteke
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.