Bilboko XV. Kalealdiak 31 konpainia eta 59 ikuskizun bilduko ditu
Bilboko Kalealdia jaialdiaren 15. edizioak 31 konpainiako 108 artista bilduko ditu uztailaren 1etik 5era bitartean, eta guztira, 59 emanaldi antolatuko dira, Abando eta Zazpi Kaleetako leku desberdinetan.
Antolatzaileek adierazi dutenez, egitarauan era askotako ikuskizunak bildu dira, hala nola kaleko antzerkia, zirku ikuskizunak, dantza, mimoa, clowna, objektuen manipulazioaren inguruko malabarismoa, performance artistikoa edo Arriaga antzokiaren fatxadaren parean egingo den antzerki bertikaleko ikuskizun bat.
Aurtengo edizioko aurrekontua iazkoa baino % 45 handiagoa da, 134.000 eurotik 194.000 eurora igaro da, eta horrek dagokion eragina izango du programaren kalitatean. "Igoera horrek berretsi egiten du Udalak kaleko antzerki eta arteen alde egindako apustua, Bilboko Kalealdia Hirian antolatutako kultur eta aisia arloko maila goreneko udako eskaintzatzat jarri duena", adierazi dute.
Bilboko Kalealdiak ohiko agertokiak izango ditu: Areatza, Plaza Barria, Arriaga plaza, Arbieto kalea eta Foru Jauregia, Kale Nagusian. Era berean, ikuskizun bat izango da Epaltza kalean, Zubi Zuriaren aurrean. Ohikoa denez, jaialdiaren hasierako bi egunetan, ikuskizunak Zabalgunean eta Zazpi Kaleetan izango dira, eta gainerako hiru egunetan, Alde Zaharrean.
Kaleko arte eszenikoetan trebatutako euskal konpainien aldeko apustuari eutsita, Bilboko Kalealdiak bertako talde hauek bildu ditu aurtengo ediziorako: Hortzmuga, Ertza, Organik, Kukai, Ganso & Cía., Malas Compañías, Barbara Govan eta Kolectivo Monstrenko & Zanguango Teatro, Euskadiko talde batez eta Gaztela eta Leongo beste batez osatutakoa.
Halaber, gainerako konpainien jatorriari dagokionez, 13 talde edo banakako artista Frantziakoak dira, bi Japoniakoak, bat Italiakoa eta beste bat Holandakoa; beste sei Kataluniatik etorritakoak dira, bat Gaztela eta Leongoa eta gainerako zortziak Euskal Herrikoak. Guztira, 108 pertsonak osatzen dute Bilboko XV. Kalealdian Bilbon bilduko den artista multzoa.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.