Donostiak euskarazko hiztegi txiki bat argitaratu du turistentzat
Donostiako Udaleko Euskara Zerbitzuak, Donostia 2016 Fundazioak, Donostia Turismoak eta Bagera Donostiako Euskaltzaleen Elkarteak patrikako euskarazko hiztegi bat argitaratu dute, Donostiara etortzen diren bisitariek erabil dezaten.
Donostian eskainitako prentsaurreko batean, Miren Azkarate Donostia 2016 Hiriburutza, Kultura, Euskara eta Hezkuntza zinegotziak eta Ernesto Gasco Ekonomia Bultzatzeko, Merkataritzako, Ostalaritzako eta Turismoko zinegotziak azaldu dute ekimenaren helburua. Donostia bisitatzen dutenek euskarazko oinarrizko hitzak eta esaldiak ezagutzea helburu duen proiektua da.
Hiztegia zortzi hizkuntzatan argitaratu da: euskara, gaztelania, galegoa, katalana, frantsesa, ingelesa, italiera eta alemana. Miren Azkarateren esanetan, Donostia Europako Kultur Hiriburu den urte honetan, bisitarien jatorriek eta kopuruak gora egingo dute hirira etorriko diren turistekin.
2016 Fundazioak zuzendutako ‘Euskarriak’ egitasmoaren baitan, eragileek hiztegiaren ideia berreskuratzea, berritzea eta kaleratzea erabaki dute. “Hizkuntzak funtsezko tresnak dira harremanetarako, eta bisitari askok euskararekiko interesa agertzen dute. Euskara gure kulturaren adierazlerik nabarmenena da”, adierazi du Azkaratek.
Edukia eta zabalkundea
Hiztegia bost zatitan banatu da: lehenengoan, agurrak azaltzen dira; bigarrenean, leku-izenak eta hauetara joateko oharrak; hirugarrenean, ostalaritzarekin zerikusia duten hitzak; laugarrenean, egunak, hilabeteak, urtaroak; eta azkenean, zenbakiak.
Orotara, hiztegi honen 80.000 ale argitaratu dira. Aleak turista gehien biltzen diren Donostiako lekuetan banatuko dira, doan: hoteletan, merkataritza-saltokietan eta museoetan. Horrez gain, hiztegia eskatzen duten taberna eta merkatarien artean ere banatuko da doan. Gainera, hiztegiak biltzar eta kultur jaialdietara doazen pertsonen artean ere banatuko da.
Zure interesekoa izan daiteke
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.