Pedalei emateko momentua
“Irailean egingo diogu ongi etorria hiru hilabetez pedalei ematen egongo den ero talde honi”, dio Imanol Otaegi Donostia 2016ko enbaxada ibiltarien arduradunak. Eta hiru hile horietako abentura, oraintxe, ekainean hasiko dute ero horiek, txandaka.
Biziz proiektuaren barruan bost bizikleta espedizio abiatuko dira Europako bost puntu ezberdinetatik. Espedizio bakoitzean komunikatzaile bat eta bi laguntzaile arituko dira eta bataz beste, 3000 kilometroko ibilbidea egingo dute. Ibilbide guztiak kontutan hartuta, Europako 18 herrialde zeharkatuko dituzte. Ibilbide horren berri Donostia 2016ren webgunean martxan jarriko duten orrian emango dute, ibilbidean topatutako material guztia bertan jarrita.
“Ibilbide bakoitzak gai bat izango du ardatz: sexualitatea, arkitektura, bioaniztasuna, gastronomia eta komunitateak. Denak Bizitzaren Itsasargiak jorratzen dituen gaiekin lotuta daude” , dio Otaegik. Sexualitateari loturiko proiektua, adibidez, Kaliningradetik (Errusia) abiatuko da, LGTB komunitateak han dituen zailtasunak direla eta. Gastronomiarena bestalde, Atenasetik abiatuko da antolatzaileek argi zeukatelako gai horri buruzko bidaia Meditarraneotik egin beharrekoa zela. Gainontzekoei dagokienean, Las Palmasetik (Espainia) abiatuko da arkitekturari dagokiona, Kopenagetik (Danimarka) bioaniztasunari buruzkoa eta Konstanzatik (Errumania) komunitateei buruzkoa.
Gai bakoitza bidaiotarako aukeratutako bost komunikatzaile horiek aurkeztutako proiektuen bitartez jorratuko da. Julen Nafarrate, esate baterako, gastronomiaren ibilbideko komunikatzailea izango da bere Izeko Mertxeren osagaien bila proiektuarekin: “Nire gurasoekin bizi da nire izeko Mertxe. Euskal Herriko etxe askotan dauden emakume horietakoa da, betiko sukaldaritza, kalitatezkoa, gurea egiten duena. Horrelako emakumeen bila egingo dut ibilbidea, ez direlako Michelin izarrak irabazten dituzten pertsonak eta balioa eman nahi diedalako. Euren sukaldeetan sartuko naiz eta elkarrizketatu eta grabatu egingo ditut. Nire izeko Mertxeri egindako omenaldia ere izango da”, dio Nafarratek. Asmoa, bidean zehar aurkitzen dituen emakume horiei guztiei osagai bana eskatzea ere bada, Euskal herrira itzultzen denean, bere izeko Mertxek menu bat prestatu dezan. Grezia, Italia, Sardinia, Frantzia, Katalunia eta Espainiatik egingo dute ibilbidea berak eta bere bi laguntzaileek, Euskal Herrira etorri aurretik.
Biziz proiektua osatuko duten bost espedizioetan lehena ekainaren 13an aterako da Las Palmasetik eta Julen Nafarraterena izango da ateratzen azkena, ekainaren 20an, Atenasetik. Iritsi berriz, denek batera iritsi beharko dute Donostiara: irailaren 18an dute eguna jarrita, Mugikortasunaren Europako Aste bete-betean, eta ongi etorria Kristina Enea parkean egingo diete, Musika Parkeanen edizio berezi batekin.
Zure interesekoa izan daiteke
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.