Justizia Ministerioa: 'Generoaren aurkakoak diren izenak debekaturik daude'
“Okerrera eramaten duten izenak legez debekaturik daude”, gogorarazi dio Justizia Ministerioak Euskaltzaindiari, hau da, generoaren aurkakoak diren izenak ('Juan' emakumezkoentzat edo 'Juana' gizonezkoentzat, esaterako), baina izen neutro batzuk ('Elur' edo 'Alex' esaterako), ordea, ez.
Erregistro Zibileko legediak ez du eskatzen izen bakoitza genero zehatz bati lotzea, baina debekatu egiten du haurrak argi eta garbi jaioberriaren generoaren kontrakoak diren izenekin erregistratzea.
Erregistroen eta Notariotzaren Zuzendaritza Nagusiak zehaztu duenez, izen bat maskulinoa edo femeninoa den zalantzak daudenean, INFOREG, Estatistikako Institutu Nazionala, Erregistro Zibilak edo hizkuntza koofizialen akademiekin kontsultatzen da. Prozedura bera jarraitzen da zalantzak sortzen dituzten izen guztiekin.
Espainiako Gobernuaren esanetan, araudiak ez du izena emateko prozedura zorrozten; erregistro zibil bakoitzean egiten den interpretazioak bai, ordea.
Euskarazko izendegiarekin “malguagoa” izatea eskatu zion Euskaltzaindiak Justizia Ministerioari iragan astelehenean.
Andres Urrutia euskaltzainburuak adierazi zuenez, euskarazko izendegiak “ezaugarri propioak” ditu, genero ezberdintasunari dagokionez. Onomastika batzordeak aldizka aztertzen duela gogorarazi zuen Urrutiak.
k.Albiste gehiago kultura
Joxe Azurmendi: "Euskaltasun jatorra egin egin behar da"
Euskal pentsalari oparoa atzo zendu zela eta, 1994an Hasier Etxeberriak "Ez dago larrosarik" saiorako egin zion elkarrizketako pasarte batzuk berreskuratu ditugu. Arantzazu, euskaltasuna, artea eta filosofia hartu zituen hizpide, besteak beste.
Txomin Olabarri, Azkuna Zentroko zuzendari nagusi berria
2018ko maiatzetik 2024ko abendura bitartean Azkuna Zentroko zuzendari izan zen Fernando Perezek kargua bere borondatez utzi ondoren, Olabarri izendatzea erabaki dute.
Milaka lagunek gozatu dute Bilboko Itsasadarreko ur gaineko kontzertuez
Bero egin arren, milaka lagun gerturatu dira Bilboko Itsasadarrera BBK Riak antolatutako kontzertuetara. ETSko Iñigo Etxezarreta, Amaia eta Arde Bogota ur gainerako eszenatokian aritu dira gerturartu direnen gozamenerako.
Itziar Mendizabal dantzariak amaiera eman dio bere ibilbide bikainari Londresko Royal Ballet konpainian
Lau urterekin hasi zen balletean lehen urratsak ematen, eta dantzarako grinak, besteak beste, Alemaniara eraman du. Hondarribiko dantzariak alde batera utziko ditu eszenatokiak, baina ez balleta. Londresko konpainia ospetsuak bere goi mailako dantza eskolako irakasle izateko fitxatuko duela iragarri du.
Santa Ana 1588ko ontziaren gila izan daitekeena topatu dute Pasaiako badian
Santa Ana ontzia Pasaian eraiki zuten, 1586an. Felipe II.aren “Armada Handiko” ontzietako bat zen, eta Ingalaterra konkistatu eta bertan katolizismoa ezartzeko misioan, huts egin zuen operazioan parte hartu zuen.
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Springsteenen zaleak gogotsu daude "The Boss" handiak Reale Arena dantzan jarri aurreko orduetan
Bruce Springsteenek bi kontzertu eskainiko ditu Donostian (larunbatean eta asteartean) "The Land of Hope and Dreams" biraren barruan. 2016an izan zen azkenekoz estatubatuarra Euskal Herrian. Springsteenek 17 musikari eta abeslari izango ditu alboan, E Street Bandeko kide historikoak barne.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.