Bilboko Udalak 150 kultura ikuskizun eskainiko ditu udan
Bilboko Udalak #BilbaoUda2020 ekimena aurkeztu du gaur goizean, udarako aisialdiari eta kulturari lotutako 150 jarduera baino gehiago biltzen dituen proposamena. Udalak osasun neurriak beteta (formatu txikiko proposamenak izango dira, edukiera mugatuta egongo da eta publikoa eserita), “auzoak musikaz, antzerkiz, dantzaz, magiaz eta literaturaz bete” nahi ditu.
Arte eszenikoen doako 64 emanaldi programatu dituzte udarako, 18 euskal konpainiaren eskutik: Gag Street Boys, Goitibera, Intujai Teatro, Hortzmuga Teatroa, Trapu Zaharra eta Markeliñe (kaleko antzerkia); Malas Compañías Zirko Taldea, The Funes Troup eta Hutsun + Ortzi (zirkua); Tor Magoa eta D’Albeniz (magia); Kukai Dantza, Natxo Motero_Danza eta Nerea Martínez + Ana Capilla (dantza); Eidabe, Panpotx Kultura Taldea eta Trakamatraka (musika); eta Monda Lironda Pailazoak (clowna).
Bidebarrieta Kulturguneak literaturaz eta musikaz gozatzen jarraitzeko aukera emango du udan. Uztailean eta abuztuan, astean bi arratsaldetan, idazleen arteko topaketak antolatu dira: Karmele Jaio, Toti Martinez de Lezea, Kirmen Uribe… Gainera, Mikel Erentxun, Mikel Urdangarin eta Baleen Lobak, besteak beste, agertoki berezi horretan musika jartzeaz arduratuko dira.
Musikak leku gehiago ere izango du #BilbaoUda2020 programan: Bilbao Distrito Jazz programa, hiriko jazz taldeen zortzi kontzertu…
Halaber, Karmelo plazak, Euskal Museoaren atariak, Bidebarrietako Liburutegiak eta San Pedro plazak bertso-saio bana hartuko dute uztailean eta abuztuan zehar: Uxue Alberdi, Miren Amuriza, Maddalen Arzallus, Onintza Enbeita…
Txistularien Bandak eta Udal Musika Bandak ere hartuko dute parte #BilbaoUda2020ko programazioan, uztailean eta abuztuan.
Gainera, Arriaga Antzokiak, Azkuna Zentroak, Bilbao Artek, Bilboko Elkarte Filarmonikoak eta beste espazio batzuek ere eskaintza zabala jarriko dute herritarren eskura uda aldean.
Albiste gehiago kultura
Euskal Kultur Erakundearen lana, “mehatxupean”
30 urtean lehen aldiz, Frantziako Estatuak EKEri ematen dion dirulaguntza murriztuko du. Ipar Euskal Herrian euskal kultura sustatzen duen elkartearen etorkizuna “arriskuan” jar lezake horrek.
Gatibuk dantzan jarri ditu Bilboko Aste Nagusian bildutako jarraitzaileak
Gernikako taldeak giro paregabea sortu du Europa parkean, ostegun gauean eskainitako kontzertuan, jarraitzaileei agur esateko biraren baitan, oholtzatik betiko jaitsi aurretik.
Urteko lehen seihilekoan 11.000 ekitaldi kultural inguru egon dira Euskadin, iaz baino gehiago
Bizkaiak izan zuen jarduera kultural handiena (%45,5), ondoren Gipuzkoak (%38,9) eta azkenik Arabak (%15,6).
Fermin Muguruzak iluntzean Irunen eskainiko duen kontzerturako gida
Artista polifazetikoak bere auzoan joko du, Urdanibia plazan, hamarkada bat baino gehiagoren ondotik, eta jendetza espero denez, Udalak mapa bat osatu du, informazio praktikoa biltzen duena.
'Karmele' Asier Altunaren film berriaren trailerra, esklusiban
Karmele Asier Altuna zuzendariaren (Amama, Aupa Etxebeste!, Agur, Etxebeste) film luzea urriaren 10ean estreinatuko da. EITBren parte-hartzea duen filma Donostiako Zinemaldian ikusiko da lehenago, nolanahi den, Sail Ofizialaren barruan baina lehiatik kanpo, proiekzio berezi batean. Fikziozko filma Elkarrekin esnatzeko ordua Kirmen Uriberen eleberrian oinarrituta dago, Jone Laspiur eta Eneko Sagardoy ditu protagonista eta Nagore Aranburu eta Javier Barandiaran daude antzeztaldean.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Portugaleteko "Munduko dantzak" jaialdia
Folklore jaialdia zuzenean.
Jamie Cullumek ireki du aurtengo Jazzaldia kontzertu "intimo" batekin, Kursaalean
Abeslari britainiarra ia ohiko bihurtu da Jazzaldian, eta aurtengoa bere bosgarren aldia da. Hau ez da Jamie Cullumek eskainiko duen kontzertu bakarra izango, izan ere, Zurriolako hondartzan doako kontzertu bat eskainiko du, bere hitzetan "festa bat" izango dena.
Portugaleteko "Munduko dantzak" jaialdia
Folklore jaialdia zuzenean.