Landako, hartzeko eta emateko plaza
Hasi da estanden eztanda. Sortzaileek eta bitartekariek prest dauzkate salmahaiak Landakoko korridoreetan; ia mila nobedade, ehunka sortzaile bertatik bertara, milaka disko, liburu, film, aldizkari eta berrehun jarduera baino gehiago aurkituko dituzte gaur eta igandera bitartean bertaratzen direnek aurten, topagunearen 59. edizioan, Bizkaiko herrian zabaldu den kulturaren plazan.
Aurten, hartzaileen zeregina azpimarratu nahi dute antolatzaileek, edizio honetako kartelean agerikoa denez. "Hartzea ematea DA" irakur daiteke Balu eta Udatxo artistek diseinatutako irudian. "Aurten, dei berezia egin gura diegu zaleei, kultur sistema osasuntsu baterako ezinbestekoak direlako", azaldu du Beñat Gaztelurrutia Durangoko Azokaren koordinatzaileak.
Landakon, dena dago prest dagoeneko: 274 erakusmahai paratu dituzte 153 saltzailek, eta 200 ekitaldi hartuko dituzte Talaiak, Ahotsenea Musikak (34 emanaldi), Ahotsenea Literaturak (50 liburu aurkezpen), Irudienea ikus-entzunezkoen plazak (40 proiekzio), Kabi@ eremu digitalaren espazioak eta Saguganbara haurren txokoak (25 ekitaldi). Zer nahi, hura aurkituko du jendeak Durangon.
Beti bezala, 10:30ean irekiko ditu ateak Durangon, egunero, ostegunetik igandera. Ateak 20:00etan itxiko dira egunero, abenduaren 8an, azken egunean, izan ezik. Egun horretan, 18:00etan itxiko dute Landako.
Antolatzaileek garraio publikoa erabiltzea gomendatu diete bisitariei, eta autoz joango direnei jakinarazi diete abenduaren 6tik 8ra autobus zerbitzua egongo dela Iurretako autobide irteerako parkinetatik Landakora.
Lehen egunean, abenduak 5, Ikasle Goiza ospatuko da, urtero bezala, eta eskola umeei zuzendutako hainbat ikastaro eta ikuskizun izango dira, baina Gerediaga Elkarteak, talde antolatzaileak, gogora ekarri du denetariko bisitarientzat egongo dela zabalik Azoka.
Hartzeko, emateko eta harremanetarako garaia da. Azoka on!
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”. Elkarrizketa osoa '12 Minutos 'saioan izango da ikusgai gaur gauean, ETB2n, Teleberriaren ostean.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.