“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
"Ikimilikilik.Vol2"ko antzeztaldea
Loraldiak ekoizpen propio berria aurkeztu du gaur, asteartearekin: Ikimilikiliklik Vol.2. Edurne Azkarateren zuzendaritzapean, Mikel Laboak, Artze anaiek eta Jose Luis Zumetak duela 50 urte sortutako Ikimilikiliklik sentikariaren izaera abangoardista “berpiztu” nahi du sorkuntza berriak, “hari erantzunez, ez imitatuz”.
Musika, poesia, dramaturgia eta zuzeneko ikus-entzunezkoak batzen dituen ikuskizuna Azkaratek zuzendu du, Iñaki Salvadorren, Mikel Laboaren taldean urte luzez aritutako pianistaren, laguntzarekin. Harekin batera, agertokian egongo dira Oreka TX taldea (Harkaitz Martinez de San Vicente eta Itziar Navarro), Libe Garcia de Kortazar abeslaria, Intza Alkain aktorea eta Itziar Garaluce artista bisualaren ikus-entzunezkoak. Testu berriak Intza Alkainek, Itziar Navarrok eta Edurne Azkaratek idatzi dituzte.
“Nostalgiatik urrun”, Ikimilikiliklik Vol.2 jatorrizko ikuskizunari “erantzutera” datorrela azaldu dute lanaren sortzaileek, ez “imitatzera”: “Bi garaiak lotzen dituen zilbor-hesteari heldu eta tenk egiten dio, garai hartako dena egiteke dagoren eta oraingo dena egina dagoren arteko tentsioa aztertzen du”.
Lanaren aurrestreinaldia Saroben arte eszenikoen gunean, Urnietan, izango da azaroaren 12an, eta estreinaldi handia azaroaren 14an Iruñean, Baluarten. Aurrerago, Ikimilikiliklik Vol.2 Euskal Herrian zehar mugitzea da asmoa.
Zure interesekoa izan daiteke
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.
Erriberriko antzerki jaialdia
Nafarroako konpainiekin topaketa.
Bill Murray aktorea, Arriagan
"New worlds" ikuskizuna taularatu du bart estatubatuar aktoreak Jan Vogler biolontxelistarekin, Mira Wang biolinistarekin eta Vanessa Pérez pianistarekin.
Euskal arte eszenikoak esku hutsik irten dira Gayarretik
Max saria eramateko sei aukera zeuzkaten euskal arte eszenikoek bart, Gayarren egin den Max sarien banaketa ekitaldian. Ignacio Aranguren eta Vicente Galbete Navarro Villoslada Iruñeko institutuko antzerki irakasleek soilik lortu dute golardoa.