'Electroclass': industriaren loraldiaren osteko Bilbo, zazpi piezatan
Maria Ruido artistak Electroclass lana aurkezten du. Telebistak 80eko hamarkadako industriaren osteko gizartean izan zuen influentzia aztertzen du, ikerketa gai ETB hartuz. Ostegunean, 22:30ean ElectroClass eskainiko dugu eitb.com-en eta ETB3n, aldi berean, eta egun horretatik aurrera EITB Nahieran-en ikusi ahal izango da.
Maria Ruido artistak consonni ekoiztetxearekin batera egindako ikusentzunezko egitasmoa da Electroclass. 7 minutuko 7 atalez osatzen da eta ETBren artxiboaren desmontatzea beste ikusentzunezko materialekin uztartzean datza.
ETBren artxiboa oinarrizko materiala hartu eta Bilboren kasu konkretua ikerketu dute: Langileria tradizionalaren kontzeptuaren disoluzioari buruz hausnartu dute Electroclass laneko egileek, baita kapitalismo industrialetik kognitibora izan diren lan-baldintzen aldaketak, hirugarren sektorearen goraldia eta "polis" hiritik "Bilbo marka" delakora pausua ere.
20 elkarrizketa baino gehiago izan dira eta Bilboko Zinebi Zinema Dokumental eta Laburmetraia Nazioarteko jaialdiaren 53. edizioa programazio berezia eta mintegi bat izan zen: Artists Killed Media Stars.
Maria Ruido artista, kultura ekoizlea eta ikerlea da. 1996tik diziplina anitzeko proiektutan egin du lan. Madrilen eta Bartzelonan bizi da eta Bartzelonako unibertsitateko Irudi Saileko irakaslea da.
Zure interesekoa izan daiteke
Jasper Johnsen 134 lan bildu ditu Guggenheimek
Estatubatuar artistak zazpi hamarkadako ibilbidean eginiko lanaren atzer begirako erakusketa antolatu du Bilboko museoak. Urriaren 12ra arte, "Night driver"bildumak pinturak, eskulturak, marrazkiak, grabatuak, liburu bat eta eszenografia bat eskainiko dizkio bisitariari.
Bilboko Euskal Museoaren inaugurazioa
Jarraitu zuzenean Bilboko Euskal Museo berrituaren inaugurazio ekitaldia.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
"Vivre Sa Vie. Georges Dambier eta Moda" erakusketa, Cristobal Balenciaga museoan
Georges Dambier argazkilariaren 77 irudik osatzen dute erakusketa. Ikuspegi aitzindaria izan zuen Dambierrek 50eko hamarkadan: modeloak kalera atera zituen, eta estudioko argazkien konbentzio zurrunak apurtu zituen. Erakusketa bihartik abenduaren 13ra arte egongo da ikusgai Cristobal Balenciaga museon, Getarian.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Goyaren lanak, Donostian eta Gasteizen
Francisco de Goyaren estanpak ikusgai daude bi erakusketatan, Donostiako San Telmo Museoan eta Arte Ederren Arabako Museoan.
"Carne y arena" instalazioa «azalean sentitzen» den obra gisa definitu du Gonzalez Iñarrituk
Zinegilea Bilbon izan da, ekainera arte EITBren egoitzan bisitagai izango den errealitate birtualeko bere instalazioa aurkezteko. Esperientzia horretan, Mexiko eta AEBren arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.