Arte eszenikoak marmoka baten barruan
Abiatu da Bilboko Alhondigan "3,2,1 Forma Eszeniko Berrien Nazioarteko Topaketa". Maiatzaren 31ra bitarte, 13 sormen proiektu ezberdin aurkeztuko dira Alhondegiko espazio ezberdinetan. Performancea, dantza eta antzerkia bezalako arte disziplina ezberdinak landuz, ez-ohiko proposamenak aurkeztuko dituzte bertako eta kanpoko artistek.
Sortzaile ezagun eta ez hain ezagunen proposamen artistikoak ezagutzeko aukera eskainiko du "3,2,1 Forma Eszeniko Berrien Nazioarteko Topaketak". Sortzaile bakoitzak bere proposamena Alhondigako eraikinaren espazio eta formetara egokitu du. Horrela, talde ikuskizunak, aurkezpen artistikoak, ahots inprobisazioak, irakurketa dantzatuak edota arkitektura suntsikorrak ikusi ahal izango dira.
Sonia Gomezen "Konposizio Animatua" deitzon performanceak eta Idoia Zabaletaren "Per Fora" ekintza eszenikoak abiatu dute jaialdia. Ondorengo egunetan artista euskaldunen eta nazioartekoen proposamenak nagusituko dira. Oskar Gomez eta Espe Lopezek "Alakran" izeneko tailer psikodramatikoa prestatu dute, zortzi euskal artistekin batera.
Sarrerak Alhondigako webgunean eta infopuntuan daude eskuragarri. Lau deskontu bonu ezberdin eskuratzeko aukera ere badago. Gainera, doako hainbat ikuskizun izango dira.
Zure interesekoa izan daiteke
‘Barreiatutako paisaiak’: euskal industriaren margoak San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. ‘Barreiatutako paisaiak’ izena du erakusketak eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.