Urtarrilaren 19a arte luzatu dute 'Guerrilla Girls' erakusketa
AlhondigaBilbao zentroak urtarrilaren 19a arte luzatu du "Guerrilla Girls 1985-2013" erakusketa ikusteko aukera, hasieran urtarrilaren 6an amaitu behar zen arren, ikusleen artean izandako arrakastaren ondorioz.
Lehenengo aldiz, "Guerrilla Girls 1985-2013" erakusketak kolektibo artistiko feminista estatubatuar horrek 1985ean sortu zenetik gaur egunera arte egindako kartel eta proiektu guztiak biltzen ditu. Kartelak sekuentzia kronologikoan daude antolatuta, eta zenbait dokumenturen ondoan jarri dira ikusgai. Modu horretan, kolektiboaren historiari eta ekoizpen prozesuei buruzko informazioa ematen duen "testuingurua" sortzen da.
Kolektiboaren argitalpen, kamiseta, gutun, ekintzen eta erakusketen dokumentazio, oroigarri eta prentsako artikuluekin batera, Amy Harrisonek 1992an egin zuen "Guerrillas in Our Midst" dokumentala ere ikus daiteke, bai eta erakusketaren komisarioak atzera begirako honetarako beren-beregi egin dien Interview 2013 bideo-elkarrizketa ere.
Horrez gain, erakusketaren azken asteetarako, AlhondigaBilbaok Guerrilla Girls elkartearen lana osatuko dituzten hainbat bisita gidatu antolatu ditu, eta horrela, urtarrilaren 19a arte, jende guztiarentzat, ikasleentzat eta erakusketaren gaiaz interesa dutenentzat, doakoa bisita gidatuak egiteko aukera izango da.
Jende guztiarentzat zuzendutako bisitetan, ostegun, ostiral eta larunbatetan, pertsona bat taldearekin batera joango da erakusketa aretoko ibilbidean, eta beharrezko gakoak eskainiko ditu erakusketaren esanahia harrapatzeko eta ibilbidean sor daitezkeen zalantzei erantzuna aurkitzeko. Bisita gidatuaren ostean, bisitariek denbora nahikoa izango dute erakusketa ikusteko eta aldez aurreko azalpenean adierazitako objektu edo ataletan gelditzeko.
Gazteei (12-18 urte) zuzendutako bisitak asteartetik ostiralera egingo dira, eta bisita hitzartzeko mezu elektronikoa bidali behar da atencionalpublico@alhondigabilbao.com helbidera. Soilik ikasleen trebakuntzarako prestatutako bisitak izango dira, eta hezitzaile bat beraiekin joango da erakusketako ibilbidean, gaia modu didaktikoan azalduz. Erakusketaren gaiari buruzko elkarrizketa eta hausnarketa partekatua sustatuko dira, eta ikasleek azalduko dute gai hori nola bizi duten euren inguruan.
Halaber, bisita azalduak igandeetan izango dira eta ez da beharrezkoa aldez aurretik izena ematea. Bisita espezializatu hauetan, feminismoaren eta artearen elementu artistiko, historiko eta kulturalen arteko harremanean sakonduko da. Ibilbidean, erakusketaren oinarrizko kontzeptuak eta kontzepturik esanguratsuenak aztertuko dira, eta horiek erabat ulertu eta aztertzeko behar diren datuak eskainiko, dinamika parte hartzailearen bitartez.
Zure interesekoa izan daiteke
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.
Marie Leczinska Frantziako erreginaren erretratu ofiziala, Baionako Bonnat Helleu museoan ikusgai
Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak.