Aurreakordioa lortu dute eskola jangeletako negoziazioan, eta greba deialdia bertan behera geratu da
LABek jakinarazi duenez, "lan, soldata eta gizarte arloko hobekuntza garrantzitsuak" jasotzen ditu akordioak, eta "lorpen historikoa" da. Bere aldetik, ELAk aurreratu du ez duela sinatuko ituna, "langileek eskatutako gutxienekoak betetzen ez dituelako".
LAB, CCOO eta UGT sindikatuek aurreakordioa lortu dute Euskal Autonomia Erkidegoko ikastetxe publikoetako kudeaketa zuzeneko jangeletako langileen hitzarmen kolektiboaren negoziazioan. Besteak beste, ratioetan murrizketak eta soldatetan igoerak adostu dituzte. ELAk ez du babestu ituna.
Ohar batean eman du LABek akordioaren berri. Bertan zehazten denez, aurreakordioaren "lorpen historikoetako bat 3 urteko gelako eta Lehen Hezkuntzako ratioen aldaketa" da. Adostutakoaren arabera, 3 urteko geletan 20 ikasle baino gehiago daudenean begirale bat egongo da, eta Lehen Hezkuntzan, 2027-2028 ikasturterako ratioa 37 ikasletik 30era jaitsiko da. Ordura arte, lehenengo hiru mailetan, 30 ikasle baino gehiago daudenean, begirale bat gehiago sartuko da.
Halaber, soldatak Eusko Jaurlaritzako sukaldeko langileekin parekatzea ere jaso dute aurreakordioan. "Horrek % 6,5eko igoera ekarriko du lizitazio berrien kontratuen hasieran (gehienez, 2027an)", zehaztu du sindikatu abertzaleak. "Aurreakordio hau sinatu ondoren, LABek aurreikusitako greba egunak bertan behera uztea erabaki du, borroka eta langileen mobilizazioari esker benetako aurrerapen esanguratsuak lortu direla aitortuta".
Hitzarmen berriak 2024tik 2030erako indarraldia izango du, eta "epe horretan sektorean egonkortasuna bermatuko da".
ELAk ez du babestu
Bere aldetik, ELAk jada aurreratu du ez duela akordioa sinatu, "langileek eskatutako gutxienekoak betetzen ez dituelako". Sindikatu horren arabera, "akordioak ez du bermatzen sukaldeko langileekin eta garbitzaileekin soldatak parekatzea, soldata igoerak mugatzen ditu eta ez du KPIari buruzko erreferentziarik jasotzen".
Ratioen taulari dagokionez, ELAk salatu du "soilik Haur eta Lehen Hezkuntzako langileentzat" aldatu direla, eta "Bigarren Hezkuntzako langileak eta bulegoko langileak kanpoan" utzi dituztela. "Aldaketa partzial hori ez da nahikoa".
Halaber, kritikatu du "sinatzaileek mobilizazio testuinguruan akordioa ixtea" erabaki dutela.
Lanuzteak
LAB, ELA, CCOO eta UGT sindikatuek deituta, hiru greba egun egin zituzten sektoreko langileek otsailaren amaieran, eta aste honetarako beste hiru dituzte deituta (martxoaren 10ean, 11n eta 12an). LABek du gehiengoa negoziazio mahaian, % 54,01eko ordezkaritzarekin.
Zure interesekoa izan daiteke
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.