4.487 milioiko salmentak lortu zituen CAFek 2025ean, aurreko urtean baino % 7 gehiago
Larunbat honetan Beasainen egindako Akziodunen Batzar Nagusian eskainitako datuen arabera, 146 milioi euroko mozkin garbia lortu zuen konpainiak 2025ean, aurreko urtean baino % 42 gehiago.
Construcciones y Auxiliar de Ferrocarriles (CAF) enpresak iazko datu ekonomikoen eta 2026rako enpresaren aurreikuspen berri eman du larunbat honetan Beasainen egin duen Akziodunen Batzar Nagusian. 4.487 milioi euroko salmentak lortu zituen 2025ean, 2024an baino % 7 gehiago, eta hazten jarraitzeko asmoa du aurrera begira ere.
Javier Martinez Ojinaga kontseilari delegatuak helburu hau jarri du datozen urteetarako: "modu errentagarrian hazten jarraitzea, marjinak pixkanaka hobetzea, finantza-diziplina sendoa mantentzea eta epe luzean balio iraunkorra sortzen jarraitzea". Helburu horiek betetzeko gakoetako bat Belgikarekin inoiz sinatutako kontraturik altuena da, 3.400 milioi eurokoa, hain zuzen ere.
Bere hitzaldian, Ojinagak esan du "lehia desleiala" egiten ari direla "estatuen dirulaguntza handiak jaso dituzten hirugarren batzuk", eta horien aurrean Europako konpainiek "gero eta arrisku handiagoa" dutela ohartarazi du. "Europak garaiz jokatzen ez badu, taktika horiek Europako oinarri industriala ahuldu dezakete", azpimarratu du.
146 milioiko irabaziak
CAFek 146 milioi euroko irabazi garbiak izan zituen 2025ean (aurreko urtean baino % 42 gehiago), eta 6.027 milioiko kontratazio-zifra historikora iritsi zen (aurreko urtean baino % 28 gehiago).
Gainera, eskaera-zorroa ere maximo historiko berri batean geratu zen: 16.235 milioitan. Adierazle hori ia 18.000 milioi eurora igo da, gainera, 2026ko lehen hiruhilekoaren itxieran, Ojinagak emandako datuen arabera.
Tren-negozioa izan arren konpainiaren ardatza, "bus-segmentua" gero eta indartsuago dago, "balioa sortzeko beste motor" bat den aldetik. Hala, Solaris enpresak 2025ean "zifra errekorrak" lortu zituela jakinarazi du kontseilari delegatuak, bai kontratazioari dagokionez (2.000 milioi euro baino gehiago), bai salmentei dagokienez (1.200 milioi euro) ere. "Europan zero emisioko hiri-mugikortasunean lidergo eztabaidaezina" duela nabarmendu du.
Bestalde, Andres Arizkorreta taldeko presidenteak gobernu korporatiboaren eredua nabarmendu du, "araudia betetzean, giza eskubideak errespetatzean eta estandar etiko zorrotzenak betetzean oinarrituta dagoena, eta interes soziala babestera eta balio iraunkorra sortzera bideratuta dagoena", defendatu du.
Protestak
Akziodunen Batzar Nagusia baino lehen, Amnesty Internationalek eta dozena bat GKEk deituta, elkarretaratzea egin dute CAFen egoitzaren aurrean dozenaka lagunek, enpresak Israel eta Palestina lotzen dituen Jerusalemgo tren arinean parte hartu duela salatzeko. Horri lotuta, ehunka pertsonak manifestazioa egin dute Beasainen, konpainiari proiektutik atera dadila eskatzeko.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".