Arte Dramatiko eta Dantzako Goi Eskola, datorren ikasturtean martxan
2015-2016 ikasturtetik aurrera, goi-mailako beste bi arte titulu ofizial izango dira eskuragarri: Arte Dramatikoa, interpretazio espezialitatean, eta Dantza, koreografia eta interpretazioa espezialitatean.
Eusko Jaurlaritzak azaldu duenez, “Goi-mailako arte-ikasketen bidez, ikasleek ingurune horretan txertatzeko beharrezko erremintak eskuratuko dituzte, eta, horrez gain, arte-irakaskuntzako ikastetxeetan eskolak emateko ere gaituko dira”. Gradu baten pareko titulua izango da ondorio guztietarako.
Euskal Autonomia Erkidegoan, Dantzerti zentroak emango ditu ikasketa horiek; izen hori izango du Euskadiko Arte Dramatiko eta Dantza Goi-mailako Eskolak. Bilbon dago lekututa, Juan Crisóstomo de Arriaga kontserbatorioan.
Goi-mailako arte-irakaskuntza hauek musikako irakaskuntza profesionalarekin batera ipinita, sinergia interesgarriak sortuko dira; hala, ekarpen eta interakzio nabarmenak izango dira eta elkarrekin parte hartuko dute trebakuntzako hainbat proiektu eta jardueratan.
Sartzeko baldintzak eta ikasketa planak
Eskolan sartzeko, Batxilergoko titulua edo Unibertsitatean sartzeko 25 urtetik gorakoentzako sarbide-proba gaindituta izan behar da, eta sarrera-proba bat ere egin beharko da ikastegian bertan.
Arte Dramatikoko eta Dantzako goi-mailako ikasketek lau ikasturte akademiko izango dituzte, eta guztira 240 ECTS kreditu (60, urteko).
Lehen ikasturte honetarako, 40 plaza aterako dira guztira: Arte Dramatikorako (Interpretazioa) 15 eta Dantzarako 25.
2015-2016 ikasturtera begira sarbide-proba egiteko epea maiatzaren 4tik 22ra egongo da irekita. Probak ekainean egingo dituzte; Arte Dramatikokoak ekaineko lehen hamabostaldian, eta Dantzakoak, berriz, bigarrenean.
Albiste gehiago artea
EITBk eta Artiumek hitzarmena sinatu dute arte garaikidearen ondarea ikus-entzunezko lanen bitartez zabaltzeko
2025ean garatuko den lehen proiektua Esther Ferrer eta Mari Puri Herrero artisten ibilbideei buruzko bi pieza dokumental ekoiztea izango da.
Euskalduna izango da ‘Mastodophonika’ ikuskizunaren eszenatokia, irailaren 5 eta 6an
Ekitaldian Mastodonte, Leioako San Juan Bautista Abesbatza eta Euskadiko Gazte Orkestra (EGO) igoko dira taula gainera.
Bilboko Arte Ederren Museoak 1970eko eraikina berriro zabalduko du urriaren 8an, egitarau berezi batekin
Irekierarekin, museoak "mugarri garrantzitsua jarri du" bere eraldaketan, eta 2026ko ekainean aurreikusitako 'Agravitas' espazioaren inaugurazioarekin amaituko da.
Arteleku zentroaren lehen 15 urteei begira, Artiumen
Gasteizko museoak Gipuzkoako arte eta kultura garaikideko zentroaren artxiboa arakatu du, Mikel Onandia, Sergio Rubira, Leire Vergara eta Beatriz Herraezen komisariotzaren pean.
Txomin Olabarri, Azkuna Zentroko zuzendari nagusi berria
2018ko maiatzetik 2024ko abendura bitartean Azkuna Zentroko zuzendari izan zen Fernando Perezek kargua bere borondatez utzi ondoren, Olabarri izendatzea erabaki dute.
Tabakalerak Hlynur Pálmason zinemagile eta artista islandiarraren erakusketa aurkeztu du
Irailaren 28ra arte egongo dira ikusgai bakarkako erakusketako ikus-entzunezko instalazioak, argazki-sailak, pinturak eta eskulturak. Pálmasonen filmografia osoa eskainiko du Tabakalerak.
"Barbara Kruger: Another day. Another night" erakusketa zabaldu du Guggenheimek
Erakusketak Krugerren lan goiztiar adierazgarrietako batzuk berraztertzen ditu, eta goitik behera hartuko ditu Guggenheim Bilbao Museoko hainbat areto. Boterearen hizkuntzaren inguruan hausnarketa egitera bultzatuko du ikuslea, azaroaren 9ra arte.
Agustin Ibarrolaren ''Euskadi, 1977-1979'' erakusketa berreskuratu du Arte Ederren Bilboko Museoak
Agustin Ibarrolak 1979an museorako sortu zuen jatorrizko instalazioko 18 mihise zaharberrituta aurkeztuko dira. Sei gehiago batuko dituzte, eta jatorriko 27 aleko multzoa osatzeko falta diren beste hirurak galdutzat eman dituzte.
Ruth Asawa, Jasper Johns, Steve McQueen eta Dan Flavin, Guggenheimen 2026an
Bilboko museoaren fundazioko patronatuak bilera egin du bart, Miren Arzalluz zuzendari nagusi denetik egin duen lehenengoa. Museoak inoiz baino bisitari gehiago izan ditu 2025ean.
Artiumek Josu Bilbaoren eta Chantal Akermani buruzko erakusketa bana aurkeztu du
Euskal Herriko Arte Garaikidearen Museoak "h" bermeotarraren erakusketa eta "Chantal Akerman. Irudiari aurre egitea" Akermanek eta erakusketaren komisario Claire Athertonek elkarlanean sortutako instalazioak paratu ditu.