Bilboko Arte Ederren Museoak 1970eko eraikina berriro zabalduko du urriaren 8an, egitarau berezi batekin
Irekierarekin, museoak "mugarri garrantzitsua jarri du" bere eraldaketan, eta 2026ko ekainean aurreikusitako 'Agravitas' espazioaren inaugurazioarekin amaituko da.
Bilboko Arte Ederren Museoa. Irudia: EITB
Bilboko Arte Ederren Museoak 1970eko eraikina berriro zabalduko du urriaren 8an, erreforma amaitu ondoren erakusketa eta jardueren egitarau berezi batekin. Norman Foster eta Luis Maria Uriarteren handitze proiektuarekin batera burutu dituzte eraikin horretako lanak..
Irekiera honekin, museoak "mugarri garrantzitsu bat jarri du" bere eraldaketan, eta 2026ko ekainean aurreikusitako 'Agravitas' espazioaren inaugurazioarekin amaituko da.
Egitarau bereziari hasiera emateko, BBVAren babesarekin, 'Elogio del horizonte III' eskultura jarriko da Chillida plazan. Horrela, artista donostiarraren lana Bilbora itzuliko da, erreforma obren ondorioz Chillida Lekura eraman behar izan baitzuten.
1963 eta 1970 artean Alvaro Libano eta Ricardo Beascoa arkitektoek proiektatutako eraikin enblematikoa Bilboko museoaren lehen handitzea izan zen, eta arteari zuzendutako kultura azpiegitura berriagoa emateko egin zen.
Eusko Jaurlaritzako, Udaleko eta Foru Aldundiko ordezkariak izan dira prentsaurrekoan, baita patronatuko kide nagusiak ere, hala nola BBK Fundazioa, Petronor, Iberdrola eta BBVA.
'Agravitas' arkitektura berria eraikitzearekin batera egina -bi eraikinek Chillida plazatik sarrera eta komunikaziorako eremu bertikala partekatuko dituzte-, birgaitzeak, urritik aurrera, erakusketa eta hezkuntzarako jarduerak aurrera eramatea ahalbidetuko du, lanen azken fasean.
Birgaitze integralak ia 6.000 metro karratu hartu ditu, eta egitura eta instalazioak egungo segurtasun arauetara eta erakundeek eskatutako suteen aurkako arauetara egokitzeko beharrari erantzun dio. Horretarako, "eskakizun eta konplexutasun handiko" prozesu teknikoa behar izan da, balio arkitektoniko handiko eraikina baita.
Chillida plaza irekitzean eta jarduera publikoa 1970eko eraikinera lekualdatzean, urrian, 'Agravitas' arkitektura berriaren obren azken fasea abiatuko da, eta, aldi berean, Pedro de Icaza y Aguirre halleko eskailera monumentalaren azpian, 1945eko jatorrizko eraikina eta Arriaga atari berria lotuko dituen pasabidea egingo dute.
Egitarau bereziaren barruan, urriaren 8tik aurrera, 30 bat artelan jarriko ditu museoak ataripe edo atari zaharrak hartzen duen espazioan. Ataripe hori Libano eta Beascoako eraikinaren beheko solairuan dago, eta plaza estaliaren izaera berreskuratzen du.
Besteak beste, Agustin Ibarrola, Richard Serra, Itziar Okariz, Juana Cima Sugoi eta Gema Intxausti euskal artisten lanak biltzen ditu erakusketak.
Urriaren 8an irekiko ditu ateak Georg Baselitz alemaniarraren pintura erakusketa batek. Baselitz XX. mendearen bigarren erdialdean artista ospetsuenetako bat da.
1970eko eraikinaren galeria nagusian kokatua, erakusketak azken hamarkadan sortutako 50 margolan inguru aurkeztuko ditu, Norman Rosenthal historialariak aukeratuak.
Zure interesekoa izan daiteke
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Javier Ortiz de Guinea gasteiztar margolaria zendu da
Arabako paisajista eta erretratugileak 79 urte zituen, eta haren lanak, besteak beste, Arabako Arte Ederren Museoko eta Eusko Legebiltzarreko hormetan daude zintzilik.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.