Okarizek eta Pregok espazio fisikoa “zulatu eta hustuko” dute Veneziako Bienalean
Itziar Okariz eta Sergio Prego euskal artistek Espainia ordezkatuko dute Veneziako 58. Arte Bienalean “Itziar Okarizek eta Sergio Pregok zulatuta” Peio Aguirre komisarioak aurkeztutako proiektuaren bidez. Soinuaren, irudien, eskulturaren eta arkitekturaren bitartez, espazio fisikoa “zulatu eta hustu” egin dute, azaldu dutenez.
Aguirreren esanetan, “gorputza islatuta agertzen da pabiloian, eta gorputzari lotutako zulaketarena edizio honetako metafora garrantzitsu eta indartsua iruditzen zait”.
Sartu eta berehala, bisitariak hainbat horma zuri ikusiko ditu, eta, berorietan proiektaturik, Itziar Okarizen hainbat grabazio, hiru performance.
Lehen bideoan, Okarizek eta berorren alabak itsasoaren soinua egiten dute, yogan erabiltzen den arnasa “ozeaniko” sakon baten bidez. Arratsaldero, 16:00etan, zuzeneko performance bat egiten dute, grabazioa etenda.
Bigarren lanak Okarizek Bilboko Guggenheimeko, MoMAko, New Yorkeko Arte Museo Metropolitanoko eta beste hainbat museotako zenbait estatuarekin izandako elkarrizketak erakusten dira. Bakarrizketa intimo, subjektibo eta poetikoak dira, Aguirreren esanetan, “komunikatzeko eta helarazteko oso zailak” eta “erantzunik ez dutenak”, jakina.
Azkenik, hirugarren bideoan, Okarizen hirugarren bideoa “Leku publiko edo pribatuetan pixa egitea” 2000an hasitako sailari dagokio, zeinetan artistak gizarte ohiturak zalantzan jartzen dituen, pixa zutik eginez.
“Itziarren lanean, espazioa soinuaren bidez husten da, eta Sergioren obra, ordea, eskultura edo arkitektura pneumatikoaren desokupazio baten ideiarekin lotuta dago”, azpimarratu du Aguirrek.
Horren ildotik, pabiloiaren atzeko lorategia aukeratu du “bolumena hartzen duten eta espazioan txertatzen diren airezko eskultura oso sinple batzuk” paratzeko, zeinei ura baitarie.
Pabiloiaren barruan, 2018an egindako marrazki batzuk erakutsiko ditu, “landareen eta sexu organoen irudiak” erakusten dituztenak, baita silikonazko forma puztu batzuk ere.
“Garai interesgarriak”
Espainiaren pabiloia ostiralean, maiatzak 10, inauguratuko dute, Veneziako Arte Bienala publikoari zabaltzeko egunaren bezperan. Aurten, Ralph Rugoff estatubatuarra da jaialdiaren komisarioa, Hayward Londresko galeriaren zuzendaria, eta “garai garrantzitsuei” buruzko hausnarketa proposatu du.
Zure interesekoa izan daiteke
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.