Euskal kulturgintzaren "greba digitala" deitu dute apirilaren 21erako eta 22rako

300dik gora kultur eragile, sortzaile eta langileren atxikimendua dute dagoeneko, eta hiru helburu jarri dituzte: gogoeta eragitea, premiazko neurriak exijitzea eta mahai bat osatzea.

eitb.eus

2020/04/15 - 13:33

Azken eguneratzea

2020/04/15 - 13:33

Euskal kulturgintzako hainbat eragile, sortzaile eta profesionalek bat egin dute 'Kulturgintzan' ekimenarekin eta greba digitala deitu dute apirilaren 21erako eta 22rako sektorearen egoera zein den azaleratzeko eta neurriak exijitzeko.

Dagoeneko 300dik gora atxikimendu jaso dituen ekimena "euskal kulturgintzaren ekosistema" osatzen duten guztiei dago zuzenduta: sortzaileak, antolatzaile eta bitartekariak, komunikabideak, hezitzaileak, kulturzaleak eta herritarrak.

Hori horrela, apirilaren 21ean eta 22an Interneten kultur edukirik ez partekatzeko deia egin dute, hiru helburu hauekin: gogoeta eztabaida soziala eragitea norbanakoak euskal kulturgintzarekiko duen atxikimenduari buruz, premiazko neurriak exijitzea koronabirusaren larrialdi egoeraren aurrean, eta euskal kulturgintzaren ekosistema osatzen duten guztientzako elkargunea antolatzeko lanean hastea.

Ekimenaren sustatzaileek azaldu dute egungo egoeran "areagotu" egin dela kultur arloko langileen "prekarietatea", emanaldiak eta bestelako kultur lanak bertan behera geratu direlako.

"Itxialdi garaiotan, kultur ekimenak etengabe zabaltzen ari dira sare telematikoetan eta hedabideetan. Zuzeneko emanaldiak, grabatuak, irakurketa aholkuak, dantza ikastaroak…, gehien-gehienak debalde. Sortzaileok egoeraren jakitun ari gara duguna herrikideekin eskuzabaltasunez partekatzen eta, oraingoan, trukean kulturaren balio soziala hausnartzeko eskatu gura dizuegu", azaldu dute.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Zure interesekoa izan daiteke

Sigur Rós talde islandiarrak Bilbon joko du irailaren 15ean

Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.

Basoa eta Lasai Bilbao BBK Live jaialdiko guneek osatu dute aurtengo kartela

2manydjs (DJ set), Donato Dozzy, Erol Alkan, Meritxell de Soto, DJ Koze, Somadamantina (live) eta beste hainbat disko-jartzaile arituko dira jaialdiko bi gune elektronikoetan.

Abestu Euskadiko Orkestrarekin ekimenaren bigarren edizioa Euskaldunara iritsiko da gaur

Aurten 132 abeslari ez profesionalek parte hartuko dute ekimen honetan, orkestrarekin eszenatokian zuzenean abestuz. Gaur Bilbon arituko dira, Euskalduna Jauregian, eta datorren astean bi emanaldi eskainiko dituzte Donostian, Kursaal Jauregian.

Juanjo Mena, euskal batuta unibertsala

Musikari gasteiztarra Bilboko Orkestra Sinfonikoaren, BBCko Orkestra Filarmonikoaren eta Cincinnatiko Maiatzeko Jaialdiaren zuzendari titularra izan da, eta Arabako Urrezko Domina eta Gasteizko Seme Kutunaren izendapena jaso ditu.

Euskal orkestra-zuzendariak bideo hau kaleratuta eman zuen jakitera alzheimerra zuela

Nazioartean ospe handia duen zuzendariak 2025ean eman zuen diagnostikatu zioten gaitz horren berri, eta "lasaitasunez eta musikarekiko esker onez" aurre egingo ziola esan zuen.

Juanjo Mena, euskal batuta unibertsalena
iturria: Orquesta y Coro Nacionales de España

Juanjo Menak agur esango dio publikoari aurten

Gasteizko orkestra-zuzendariaren aurtengo kontzertuak “podiumetik” egingo dituen azkenak izango dira, eta egindako bidea gogoratu nahi du berorietan. Alzheimerra detektatu ziotela iragarri zuen 2025eko urtarrilean.

Eñaut Elorrieta diskoa grabatzen ari da, Bryce Dessner eta David Chalmin ekoizleekin

Musikaria The National taldeko gitarristarekin eta Triple Sun taldeko kidearekin ari da bere hurrengo lana ontzen, Senperen. Bon Iver, Sufjan Stevens, Bruce Springsteen, Nick Cave, Taylor Swift eta Madonna musikariekin zein Labèque ahizpekin aritutako musikariek parte hartuko dute saioetan.

Bilbao All Star Blues Band, Travellin’ Brothers eta The Cherry Boppers, Bilbao Blues Festivalen

Festibalaren bosgarren edizioan Bilbao All Star Blues Band taldeak joko du, jaialdirako propio sortua eta Bob Stroger baxu-jotzaileak eta Willie Buck abeslariak osatzen dutena, besteak beste.

Gure Ahotsak zikloak Clara Peya, La Tremendita, Chica Sobresalto, Mirua eta Neomaken kontzertuak eskainiko ditu

Emanaldi errenkadak emakume musikarien kontzertuak antolatu ditu berriz Donostian, martxoaren 3tik 7ra.

ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian

Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.